Kerala
അറബിക്കടലില്‍ മുങ്ങിയ കപ്പലില്‍ നിന്നുള്ള കണ്ടെയ്നറുകള് കൊല്ലം തീരത്ത് അടിഞ്ഞു; ജാഗ്രതാ നിര്‍ദ്ദേശം
സമീപത്തെ വീടുകളില്‍ ഉള്ളവരോട് ബന്ധു വീടുകളിലേക്ക് മാറാന്‍ നിര്‍ദേശം
കൊല്ലം \ അറബിക്കടലില്‍ മുങ്ങിയ ചരക്കുകപ്പലില്‍ നിന്നുള്ള നാല് കണ്ടെയ്നറുകള് തീരത്തടിഞ്ഞു. കൊല്ലം കരുനാഗപ്പള്ളി ചെറിയഴീക്കല്‍ തീരത്താണ് ഇവ അടിഞ്ഞത്. ഒരു കണ്ടെയ്‌നര്‍ കടല്‍ ഭിത്തിയില്‍ ഇടിച്ചു നില്‍ക്കുന്ന നിലയില്‍ കണ്ടെത്തി. ജനവാസ മേഖലക്ക് അടുത്താണ് കണ്ടെയ്‌നര്‍ അടിഞ്ഞത്. സമീപത്തെ വീടുകളില്‍ ഉള്ളവരോട് ബന്ധു വീടുകളിലേക്ക് മാറാന്‍ നിര്‍ദേശം നല്‍കിയിട്ടുണ്ട്.
രാത്രി വലിയ ശബ്ദംകേട്ട നാട്ടുകാരാണ് ചെറിയഴീക്കല്‍ സിഎഫ്‌ഐ ഗ്രൗണ്ടിനു സമീപം കടലില്‍ കണ്ടെയ്‌നര്‍ കണ്ടത്. നാട്ടുകാര്‍ വിവരം അറിയിച്ചതിനെ തുടര്‍ന്ന് കലക്ടര്‍ എന്‍ ദേവിദാസ്, സിറ്റി പോലീസ് കമ്മിഷണര്‍ കിരണ്‍ നാരായണന്‍ എന്നിവരുടെ നേതൃത്വത്തില്‍ അധികൃതര്‍ സ്ഥലത്തെത്തി പരിശോധന നടത്തി.
കേരള തീരത്ത് തോട്ടപ്പള്ളി സ്പില്‍വേയില്‍ നിന്ന് ഏകദേശം 27 കിലോമീറ്റര്‍ അകലെയാണ് കപ്പല്‍ മുങ്ങിയത്. കപ്പലിലെ കണ്‍ടെയ്നറിലെ തിരുവനന്തപുരം, കൊല്ലം, ആലപ്പുഴ, എറണാകുളം എന്നീ ജില്ലകളിലെ തീരങ്ങളില്‍ എത്താനാണ് സാധ്യത എന്ന് നേരത്തെ തന്നെ മുന്നറിയിപ്പ് ഉണ്ടായിരുന്നു.കപ്പലില്‍ ഏകദേശം 640 കണ്ടെയ്നറുകള് ആണ് ഉണ്ടായിരുന്നത്.
ശക്തമായ തിരയടിക്കുന്നതിനാല്‍ കൂടുതല്‍ പരിശോധന നടത്താന്‍ കഴിഞ്ഞിട്ടില്ല.
Latest
അതിതീവ്ര മഴ: തൃശൂരില്‍ റെയില്‍വെ ട്രാക്കില്‍ മരം വീണ് ട്രെയിന്‍ ഗതാഗതം തടസ്സപ്പെട്ടു, എറണാകുളത്ത് കാര്‍ തലകീഴായി മറിഞ്ഞു
അബ്ദുറഹീമിന്റെ മോചന ഹരജി റിയാദ് കോടതി ഇന്ന് വീണ്ടും പരിഗണിക്കും; ഹരജി പരിഗണനക്കെടുക്കുന്നത് 13മത് തവണ
വയനാട്ടില്‍ മാതാവ് കൊല്ലപ്പെട്ടതിന് പിറകെ കാണാതായ ഒമ്പത് വയസുകാരിക്കായി തിരച്ചില്‍ തുടരുന്നു
വെഞ്ഞാറമൂട് കൂട്ടക്കൊലക്കേസ് പ്രതിയുടെ നില ഗുരുതരമായി തുടരുന്നു; ഡോക്ടര്‍മാര്‍ അനുവദിച്ചാല്‍ ഇന്ന് മൊഴിയെടുക്കും
കരുവന്നൂര്‍ ബേങ്ക് തട്ടിപ്പ് കേസ്: അന്തിമ കുറ്റപത്രം ഇഡി ഇന്ന് കോടതിയില്‍ സമര്‍പ്പിക്കും
സംസ്ഥാനത്ത് ഇന്ന് തീവ്രമഴക്ക് സാധ്യത; 11 ജില്ലകളില്‍ റെഡ് അലര്‍ട്ട്
