Kerala
മുഖ്യമന്ത്രി നിയമസഭാ തിരഞ്ഞെടുപ്പില് മത്സരിക്കും; അടുത്ത തിരഞ്ഞെടുപ്പോടെ കോണ്ഗ്രസ് ഛിന്നഭിന്നമാകും: എ കെ ബാലന്
പിണറായി വിജയനാകും തിരഞ്ഞെടുപ്പ് പ്രചാരണത്തിന് നേതൃത്വം നല്കുക
പാലക്കാട് | വരുന്ന നിയമസഭാ തിരഞ്ഞെടുപ്പില് മുഖ്യമന്ത്രി പിണറായി വിജയന് മത്സരിക്കുമെന്ന് മുതിര്ന്ന സിപിഎം നേതാവ് എ കെ ബാലന്. പിണറായി മത്സരിക്കുന്നത് സിപിഎമ്മിന് ഗുണം ചെയ്യുമെന്നും രണ്ട് ടേം വ്യവസ്ഥ അനിവാര്യ ഘട്ടങ്ങളില് മാറ്റുമെന്നും ബാലന് പറഞ്ഞു.
പിണറായി വിജയനാകും തിരഞ്ഞെടുപ്പ് പ്രചാരണത്തിന് നേതൃത്വം നല്കുക. രണ്ടാം പിണറായി സര്ക്കാര് അത്ഭുതങ്ങള് കാണിച്ച സര്ക്കാരാണ്. അതിനാല് തന്നെ എല്ഡിഎഫ് മികച്ച ഭൂരിപക്ഷത്തോടെ വീണ്ടും അധികാരത്തിലെത്തുമെന്നും ബാലന് പറഞ്ഞു
അടുത്ത തിരഞ്ഞെടുപ്പോടെ കോണ്ഗ്രസ് ഛിന്നഭിന്നമാകും. യുഡിഎഫിന്റെ 100ലധികം സീറ്റെന്ന മോഹം മലര്പൊടിക്കാരന്റെ സ്വപ്നമാണെന്നും ബാലന് പരിഹസിച്ചു.
വെള്ളാപ്പള്ളി നടേശന് ന്യൂനപക്ഷത്തെ അധിക്ഷേപിച്ചിട്ടില്ല. ലീഗിനെയാണ് വെളളാപ്പള്ളി വിമര്ശിക്കുന്നത്. അതില് എന്താണ് തെറ്റെന്നും ബാലന് ചോദിച്ചു. സിപിഐയും വെള്ളാപ്പള്ളി നടേശനുമായുള്ള തര്ക്കം അവരുടെ കാര്യമാണെന്നും അദ്ദേഹം പറഞ്ഞു.
ശബരിമല സ്വര്ണക്കൊള്ള കേസില് പ്രതികളായ സിപിഎം നേതാക്കള്ക്കെതിരെ ഉചിതമായ ഘട്ടത്തില് നടപടിയുണ്ടാകും. സ്വര്ണക്കൊള്ള വിഷയം എല്ഡിഎഫിനെ തെരഞ്ഞെടുപ്പില് ബാധിക്കില്ലെന്നും ബാലന് പറഞ്ഞു.
അതേസമയം നിയമസഭാ തെരഞ്ഞെടുപ്പില് ഇത്തവണ മത്സരിക്കില്ലെന്നും കഴിഞ്ഞ തവണ തന്നെ നിലപാട് അറിയിച്ചതാണെന്നും ബാലന് പറഞ്ഞു
Latest
നെയ്യാര് അണക്കെട്ടില് ചാടിയ ആർ ടി ഒ ജീവനക്കാരിയുടെ മൃതദേഹം കണ്ടെത്തി
സ്വകാര്യ ആശുപത്രി നഴ്സുമാരുടെ സമരം പിൻവലിച്ചു: ചൊവ്വാഴ്ച ഹൈക്കോടതിയുടെ മേല്നോട്ടത്തില് ചര്ച്ച
സി ആര് മഹേഷ് എം എല് എയില് നിന്നുണ്ടായത് തിക്താനുഭവങ്ങള്; യു ഡി എഫ് ചെയര്മാന് പദവി രാജിവച്ച് തൊടിയൂര് രാമചന്ദ്രന്
'എൽ പി ജി ക്ഷാമമില്ല; പരിഭ്രാന്തരായി ഏജൻസികൾക്ക് മുന്നിൽ ക്യൂ നിൽക്കേണ്ട': ആവർത്തിച്ച് കേന്ദ്രം
ശബരിമല യുവതീ പ്രവേശനം; സിപിഎം നിലപാടിൽ മാറ്റമില്ല- എം വി ഗോവിന്ദന്
പ്രവാസി കേരളീയര്ക്ക് ഒരുകോടി രൂപയുടെ സമഗ്ര ആരോഗ്യ-അപകട ഇന്ഷ്വറന്സ്; പദ്ധതിയുമായി നോര്ക്ക കെയര് പ്ലസ്
