Kerala
സമസ്ത നൂറാം വാര്‍ഷിക പ്രഖ്യാപന സമ്മേളനത്തിന് ഉജ്ജ്വല തുടക്കം
വാര്‍ഷികാഘോഷ പരിപാടികള്‍ മൂന്നു വര്‍ഷം നീണ്ടുനില്‍ക്കും.
കാസര്‍കോട് | സമസ്ത കേരള ജംഇയ്യത്തുല്‍ ഉലമയുടെ നൂറാം വാര്‍ഷിക പ്രഖ്യാപന മഹാ സമ്മേളനത്തിന് ചട്ടഞ്ചാല്‍ മാലിക് ദീനാര്‍ നഗരിയില്‍ ഉജ്ജ്വല തുടക്കം. ഇന്ത്യാ ഉപഭൂഖണ്ഡത്തില്‍ ഇസ്ലാമിന്റെ ഭാഗധേയം നിര്‍ണ്ണയിച്ച മാലിക് ഇബ്‌നു ദീനാറിന്റെ പേരില്‍ സജ്ജീകരിച്ച നഗരിയിലാണ് സമ്മേളനം പുരോഗമിക്കുന്നത്.
വാര്‍ഷികാഘോഷ പരിപാടികള്‍ മൂന്നു വര്‍ഷം നീണ്ടുനില്‍ക്കും. വിദ്യാഭ്യാസ -തൊഴില്‍ -നൈപുണി വികസന മേഖലകളില്‍ ഗുണ നിലവാരവും സ്വയം പര്യാപ്തയും വര്‍ധിപ്പിക്കുക എന്ന ലക്ഷ്യത്തില്‍ ഊന്നിക്കൊണ്ടുള്ള ഒട്ടേറെ പദ്ധതികള്‍ക്ക് വാര്‍ഷികാഘോഷ പരിപാടികളുടെ ഭാഗമായി തുടക്കം കുറിക്കും.
സമസ്ത കേരള ജംഇയ്യത്തുൽ ഉലമ ജനറൽ സെക്രട്ടറി കാന്തപുരം എ പി അബൂബക്കർ മുസ്‌ലിയാരാണ് മൂന്ന് വർഷം നീണ്ടു നിൽക്കുന്ന ആഘോഷങ്ങളും പദ്ധതികളും പ്രഖ്യാപിക്കുക. സമസ്ത പ്രസിഡൻ്റ് ഇ.സുലൈമാൻ മുസ്ലിയാർ ,സയ്യിദലി ബാഫഖി തങ്ങൾ, സയ്യിദ് ആറ്റക്കോയ തങ്ങൾ കുമ്പോൽ, സയ്യിദ് ഇബ്രാഹീം ഖലീലുൽ ബുഖാരി, സയ്യിദ് ഫസൽ കോയമ്മ തങ്ങൾ കുറ, പൊൻമള അബ്ദുൽഖാദിർ മുസ്ലിയാർ,പേരോട് അബ്ദുൽറഹ്‌മാൻ സഖാഫി, വണ്ടൂർ അബ്ദുൽറഹ് മാൻ ഫൈസി, കെ.കെ. അഹമ്മദ് കുട്ടി മുസ്ലിയാർ, സി. മുഹമ്മദ് ഫൈസി, തെന്നല അബൂ ഹനീഫൽ ഫൈസി, സയ്യിദ് ത്വാഹ സഖാഫി, ഫിർദൗസ് സഖാഫി,മുഹമ്മദലി സഖാഫി തൃക്കരിപ്പൂര് സമ്മേളനത്തെ അഭിസംബോധന ചെയ്യും.
വിവിധ ജില്ലകളില്‍ നിന്നും തിരഞ്ഞെടുക്കപ്പെട്ട പ്രത്യേക പ്രതിനിധികള്‍ പ്രഖ്യാപന സമ്മേളനത്തില്‍ പങ്കെടുക്കുന്നുണ്ട്.
Latest
തിരഞ്ഞെടുപ്പ് സംവിധാനം സിപിഎം ഹൈജാക്ക് ചെയ്‌തെന്ന് കെ സി വേണുഗോപാല്‍; സമഗ്ര അന്വേഷണം വേണമെന്ന് വി ഡി സതീശന്‍
തിരഞ്ഞെടുപ്പ് ഫലം വരുമ്പോള്‍ എല്‍ഡിഎഫ് വന്‍ വിജയം കരസ്ഥമാക്കും ; മന്ത്രി എംബി രാജേഷ്
പോളിങ് വൈകിയത് വടകരയില്‍ മാത്രം, ബീപ് ശബ്ദം കേള്‍ക്കാന്‍ വൈകിയെന്ന പരാതി ലഭിച്ചിട്ടില്ല; സഞ്ജയ് കൗള്‍
മരിക്കുന്നതുവരെ താന്‍ കോണ്‍ഗ്രസുകാരനായിരിക്കും പത്മജയ്ക്ക് മറുപടിയുമായി രാജ്‌മോഹന്‍ ഉണ്ണിത്താന്‍
ദേശാടന പക്ഷികളെ ക്രൂരമായി വേട്ടയാടി ചുട്ടു തിന്നുന്ന സംഘം കോഴിക്കോട് പിടിയില്‍
മതത്തിന്റെ പ്ലസ് ആവശ്യപ്പെട്ടിട്ടില്ല; കാഫിര്‍ എന്ന് വിളിച്ചുള്ള വോട്ടും വേണ്ട: ഷാഫി പറമ്പില്‍
