Gulf
ഐ സി എഫ് ഖുര്‍ആന്‍ ക്വിസ് ലൈവിന് തുടക്കമായി
മക്ക | ഖുര്‍ആനിനെ അടുത്തറിയുക, ഖുര്‍ആനിക വിജ്ഞാനത്തില്‍ തത്പരത സൃഷ്ടിക്കുക എന്ന ലക്ഷ്യത്തോടെ ഐ സി എഫ് സഊദി നാഷണല്‍ വിദ്യാഭ്യാസ, പ്രസിദ്ധീകരണ വിഭാഗങ്ങള്‍ സംയുക്തമായി സംഘടിപ്പിക്കുന്ന ഖുര്‍ആന്‍ ക്വിസ് ലൈവിന് തുടക്കമായി. സെക്ടര്‍, സെന്‍ട്രല്‍, പ്രോവിന്‍സ്, നാഷണല്‍ തലങ്ങളിലാണ് മത്സരങ്ങള്‍ നടക്കുന്നത്. ഓരോ ഘടകങ്ങളില്‍ നിന്നും വിജയിക്കുന്നവര്‍ മേല്‍ ഘടകത്തിലെ മത്സരാര്‍ഥി ആയിരിക്കും. ഖുര്‍ആന്‍ പഠനം, പരിചയം, എന്നീ വിഷയത്തില്‍ അധിഷ്ടിതമായിരിക്കും ചോദ്യങ്ങള്‍. സൂം ഓണ്‍ലൈന്‍ മീഡിയ വഴിയാണ് മത്സരങ്ങള്‍ നടന്നു വരുന്നത്.
ഓരോ ഘടകങ്ങളില്‍ നിന്നും പ്രാഗത്ഭ്യമുള്ള ക്വിസ് അവതാരകനാണ് മത്സരത്തിന് നേതൃത്വം നല്‍കുന്നത്. സെക്ടര്‍ തലങ്ങളില്‍ ഇതിനകം നൂറുകണക്കിനാളുകള്‍ പങ്കെടുത്തു. മെയ് 14, 15 തീയതികളില്‍ സെന്‍ട്രല്‍ തലങ്ങളിലും മെയ് 17, 18 തീയതികളില്‍ പ്രോവിന്‍സ് തലങ്ങളിലും മത്സരങ്ങള്‍ നടക്കും. ശേഷം നാഷണല്‍ തലത്തില്‍ ഫൈനല്‍ മത്സരം നടക്കും. പ്രമുഖ ട്രെയ്‌നിയും ക്വിസ് മാസ്റ്ററുമായ നൗഫല്‍ മാസ്റ്റര്‍ കോഡൂര്‍ നാഷണല്‍ മത്സരത്തിന് നേതൃത്വം നല്‍കുമെന്ന് നാഷണല്‍ കാബിനറ്റ് വാര്‍ത്താ കുറിപ്പില്‍ അറിയിച്ചു. പ്രസിഡന്റ് സയ്യിദ് ഹബീബ് അല്‍ബുഖാരി അധ്യക്ഷത വഹിച്ചു. ബഷീര്‍ എറണാകുളം, അബ്ദുസ്സലാം വടകര, ഉമര്‍ സഖാഫി മൂര്‍ക്കനാട്, സലീം പാലച്ചിറ തുടങ്ങിയവര്‍ സംബന്ധിച്ചു.
Latest
'കൂട്ടുപ്രതിയെ തള്ളിപ്പറഞ്ഞ് ഒന്നാം പ്രതി രക്ഷപ്പെടാന്‍ ശ്രമിക്കുന്നു'; മുഖ്യമന്ത്രിക്കെതിരെ വി ഡി സതീശന്‍
വിവി പാറ്റ് കേസിലെ സുപ്രീംകോടതി വിധി സ്വാഗതം ചെയ്ത് പ്രധാനമന്ത്രി നരേന്ദ്രമോദി
വനിതാ ഹോസ്റ്റലില്‍ നിന്നും 1.3കിലോ കഞ്ചാവ് പിടികൂടി; രണ്ട് പേര്‍ അറസ്റ്റില്‍
മോദി പരിഭ്രാന്തിയില്‍, താമസിയാതെ വേദിയില്‍ പൊട്ടിക്കരഞ്ഞേക്കും: രാഹുല്‍
കോഴിക്കോട് കക്കാടംപൊയിലില്‍ വോട്ട് ചെയ്യാന്‍ പോയ കുടുംബം സഞ്ചരിച്ച കാര്‍ കത്തി നശിച്ചു
തൃപ്പൂണിത്തുറ അനധികൃത പടക്ക സംഭരണ കേന്ദ്രത്തിലെ സ്ഫോടനം; 10 പ്രതികള്‍ക്ക് ജാമ്യം
