Kerala
ഗുരുവായൂര് ദേവസ്വം ഭരണസമിതിയില് 48 വര്ഷത്തിന് ശേഷം വനിത അംഗം
1978ല് ഭേദഗതി ചെയ്ത ഗുരുവായൂര് ദേവസ്വം ചട്ടമനുസരിച്ച് ഭരണസമിതിയിലും ഇതുവരെ വനിത അംഗം ഉണ്ടായിട്ടില്ല.
ഗുരുവായൂര്| അര നൂറ്റാണ്ടോളം നീണ്ട കാത്തിരിപ്പിന് വിരാമം കുറിച്ച് ഗുരുവായൂര് ദേവസ്വം ഭരണസമതിയിലേക്ക് വനിത അംഗം. കൊടുങ്ങല്ലൂര് നഗരസഭ മുന് ചെയര്പേഴ്സണ് എം യു ഷിനിജയിലൂടെയാണ് ഭരണസമിതിയില് വീണ്ടും വനിത പ്രവേശം സാധ്യമാകുന്നത്. 1978ല് ഭേദഗതി ചെയ്ത ഗുരുവായൂര് ദേവസ്വം ചട്ടമനുസരിച്ച് ഭരണസമിതിയിലും ഇതുവരെ വനിത അംഗം ഉണ്ടായിട്ടില്ല.
1971 ല് ഗുരുവായൂര് ക്ഷേത്രഭരണം സര്ക്കാര് ഏറ്റെടുത്ത ശേഷമുള്ള ആദ്യ ഭരണസമിതികളില് സ്ത്രീ പ്രാതിനിധ്യം ഉണ്ടായിരുന്നു. സാഹിത്യകാരി എന് ബാലാമണിയമ്മ, ദേവകിയമ്മ എന്നിവര് ആദ്യകാലത്തെ ഭരണ സമതിയില് ഉണ്ടായിരുന്നു. എന്നാല് 1978ല് ചട്ടം ഭേദഗതി ചെയ്ത ശേഷം വനിതകള് ഭരണസമിതിയില് എത്തിയില്ല. മൂന്ന് പാരമ്പര്യ അംഗങ്ങളും സംസ്ഥാന സര്ക്കാറിന്റെ ഹിന്ദു മന്ത്രിമാര് ചേര്ന്ന് നാമനിര്ദ്ദേശം ചെയ്യുന്ന ആറ് അംഗങ്ങളും ഉള്പ്പെട്ടതാണ് ഭരണസമിതി. രണ്ട് വര്ഷമാണ് കാലാവധി.
ദേവസ്വം അഡ്മിനിസ്ട്രേറ്ററുടെ ചുമതലയില് വനിതകള് പലപ്പോഴും എത്തിയിട്ടുണ്ടെങ്കിലും ഭരണസമിതി അംഗമായി എത്തുന്നത് ഇതാദ്യമായാണ്. അന്താരാഷ്ട്ര വനിത ദിനത്തിലാണ് ഗുരുവായൂര് ദേവസ്വം ഭരണസമിതിയില് സ്ത്രീ പ്രവേശം ഉണ്ടാകുന്നത് എന്നത് പ്രത്യേകതയായി. സി പി ഐ യുടെ പ്രതിനിധിയായാണ് ഷിനിജ ഭരണ സമിതിയിലെത്തുന്നത്.
Latest
കുട്ടികളുടെ സോഷ്യൽ മീഡിയ ഉപയോഗം; നിയന്ത്രണം കൊണ്ടുവരാൻ കേന്ദ്രം.
ബിഹാറില് മോഷണക്കുറ്റം ആരോപിച്ച് ആള്ക്കൂട്ട ആക്രമണം; യുവതി കൊല്ലപ്പെട്ടു
ഇന്ധന വിലവര്ധന ആലോചനയിലില്ല: കേന്ദ്രം
നോര്വേയിലെ യു എസ് എംബസിയില് സ്ഫോടനം; കെട്ടിടത്തിന് കേടുപാട്, ആളപായമില്ല
ഹോസ്റ്റല് ആക്രമണം: ഒന്പതാം ക്ലാസ് വിദ്യാര്ഥിയുടെ ആക്രമണത്തില് സഹപാഠി മരിച്ചു, ഏഴ് പേര്ക്ക് പരുക്ക്
അള്ട്രാവയലറ്റ് രശ്മികളുടെ തോത് വര്ധിക്കുന്നു; എട്ടിടങ്ങളില് മഞ്ഞ ജാഗ്രത
