International
നോര്വേയിലെ യു എസ് എംബസിയില് സ്ഫോടനം; കെട്ടിടത്തിന് കേടുപാട്, ആളപായമില്ല
നോര്വേ തലസ്ഥാനമായ ഓസ്ലോയിലെ എംബസിയിലാണ് ഇന്ന് പുലര്ച്ചെ സ്ഫോടനമുണ്ടായത്.
ഓസ്ലോ | പശ്ചിമേഷ്യയില് ഇറാന്-യുഎസ്-ഇസ്റാഈല് സംഘര്ഷം തുടരുന്നതിനിടെ, നോര്വേയിലെ യു എസ് എംബസിയില് സ്ഫോടനം. നോര്വേ തലസ്ഥാനമായ ഓസ്ലോയിലെ എംബസിയിലാണ് ഇന്ന് പുലര്ച്ചെ സ്ഫോടനമുണ്ടായത്. കെട്ടിടത്തിന് കേടുപാടുകള് സംഭവിച്ചിട്ടുണ്ട്. ആളപായമോ പരുക്കോ റിപോര്ട്ട് ചെയ്തിട്ടില്ല.
എംബസിയുടെ കോണ്സുലാര് വിഭാഗത്തിന്റെ പ്രവേശന കവാടത്തിലാണ് സ്ഫോടനമുണ്ടായതെന്നാണ് പോലീസ് വ്യക്തമാക്കുന്നത്. ബോംബ് സ്ക്വാഡും പോലീസ് ഹെലികോപ്റ്ററുകളും സ്ഥലത്തെത്തി. അന്വേഷണം ആരംഭിച്ചതായി നോര്വീജിയന് അധികൃതര് പറഞ്ഞു. മേഖലയില് കൂടുതല് സ്ഫോടകവസ്തുക്കളൊന്നും കണ്ടെത്തിയിട്ടില്ല.
പുലര്ച്ചെ ഒരുമണിയോടെയാണ് പശ്ചിമ ഓസ്ലോയിലെ എംബസി കോമ്പൗണ്ടില് സ്ഫോടനമുണ്ടായതെന്ന് അധികൃതര് പറഞ്ഞു. പ്രദേശത്ത് കനത്ത തോതില് പുക ഉയര്ന്നതായി ദൃക്സാക്ഷികള് പറഞ്ഞു. ആക്രമണത്തിനു പിന്നില് ആരാണെന്നതുള്പ്പെടെയുള്ള കാര്യങ്ങള് വ്യക്തമല്ല. സംഭവം സംബന്ധിച്ചുള്ള യു എസ് അധികൃതരുടെ പ്രതികരണവും ഉണ്ടായിട്ടില്ല.
Latest
ട്രെയിനില് വെച്ച് യാത്രക്കാരിയോട് ലൈംഗികാതിക്രമം നടത്തിയ യുവാവ് പിടിയില്
വിസ തട്ടിപ്പ് കേസ്; നിർമാതാവ് ജോബി ജോർജിന് 4 വർഷം തടവും പിഴയും
മാധ്യമപ്രവര്ത്തകനെതിരായ തീവ്രവാദി പരാമര്ശം; വെള്ളാപ്പള്ളിക്കെതിരെ കേസെടുത്ത് മനുഷ്യാവകാശ കമ്മീഷന്
കുട്ടികളുടെ സോഷ്യൽ മീഡിയ ഉപയോഗം; നിയന്ത്രണം കൊണ്ടുവരാൻ കേന്ദ്രം.
ബിഹാറില് മോഷണക്കുറ്റം ആരോപിച്ച് ആള്ക്കൂട്ട ആക്രമണം; യുവതി കൊല്ലപ്പെട്ടു
ഇന്ധന വിലവര്ധന ആലോചനയിലില്ല: കേന്ദ്രം
