National
ഭാര്യയെ കാമുകന്റെ വീട്ടില്‍ കണ്ടെത്തി; 25കാരിയുടെ മൂക്ക് കടിച്ചെടുത്ത് ഭര്‍ത്താവ്
ഗുരുതരമായി പരുക്കേറ്റ യുവതിയെ ആശുപത്രിയില്‍ പ്രവേശിപ്പിച്ചു
ലക്‌നോ| ഉത്തര്‍പ്രദേശിലെ ഹര്‍ദോയ് ജില്ലയില്‍ ഭാര്യയെ കാമുകന്റെ വീട്ടില്‍ കണ്ടെത്തിയതിന്റെ ദേഷ്യത്തില്‍ 25കാരിയുടെ മൂക്ക് കടിച്ചെടുത്ത് ഭര്‍ത്താവ്. ഗുരുതരമായി പരുക്കേറ്റ യുവതിയെ ആശുപത്രിയില്‍ പ്രവേശിപ്പിച്ചിരിക്കുകയാണ്. സംഭവത്തില്‍ പ്രതി രാം ഖില്‍വാനെ പോലീസ് കസ്റ്റഡിയിലെടുത്തു. യുവതി തന്റെ ഗ്രാമത്തില്‍ തന്നെ താമസിക്കുന്ന കാമുകനെ കാണാന്‍ പോയപ്പോഴാണ് സംഭവമുണ്ടായത്. ഭാര്യയെ പിന്തുടര്‍ന്ന ഭര്‍ത്താവ്, കാമുകന്റെ വീട്ടില്‍ വച്ച് അവരുമായി തര്‍ക്കത്തില്‍ ഏര്‍പ്പെട്ടു. അതിനിടയില്‍ കാമുകന്റെ മുന്നില്‍ വച്ച് ഭാര്യയുടെ മൂക്ക് കടിച്ചെടുക്കുകയായിരുന്നെന്ന് പോലീസ് പറഞ്ഞു.
യുവതിയുടെ നിലവിളി കേട്ട് നാട്ടുകാരും കുടുംബാംഗങ്ങളും സംഭവസ്ഥലത്തെത്തി പോലീസിനെ വിവരം അറിയിക്കുകയായിരുന്നു. പോലീസ് സ്ഥലത്തെത്തി പരുക്കേറ്റ സ്ത്രീയെ സമീപത്തെ ആശുപത്രിയില്‍ പ്രവേശിപ്പിച്ചു. ആരോഗ്യനില ഗുരുതരമായതിനെ തുടര്‍ന്ന് ഡോക്ടര്‍മാര്‍ യുവതിയെ വിദഗ്ധ ചികിത്സയ്ക്കായി ലക്നോവിലേക്കു മാറ്റിയിരിക്കുകയാണ്. സംഭവത്തില്‍ ഭര്‍ത്താവിനെ കസ്റ്റഡിയിലെടുത്ത് ചോദ്യം ചെയ്തുവരികയാണെന്ന് അഡീഷനല്‍ എസ്പി നരേന്ദ്ര കുമാര്‍ വ്യക്തമാക്കി.
Latest
നാണയത്തുട്ടുകള്‍ സ്വരൂപിച്ച് പണം കണ്ടെത്തി നബിദിനത്തില്‍ വിശുദ്ധ ഭൂമിയിലേക്ക്;45 മഅ്ദിന്‍ ദഅ്വ വിദ്യാര്‍ഥികള്‍ക്ക് ആഗ്രഹ സഫലീകരണം
വള്ളസദ്യയില്‍ പങ്കെടുക്കാനെത്തിയ ദമ്പതികള്‍ പമ്പാനദിയില്‍ ഒഴുക്കില്‍ പെട്ടു; ഭര്‍ത്താവ് മരിച്ചു
മറാത്ത സംവരണ പ്രക്ഷോഭം: മനോജ് ജരാംഗെ-പാട്ടീൽ നിരാഹാര സമരം അവസാനിപ്പിച്ചു
ഷാജന്‍ സ്‌കറിയയെ ആക്രമിച്ച കേസ്; പ്രതികള്‍ക്ക് ജാമ്യം
അഫ്ഗാനിസ്ഥാനിൽ വീണ്ടും ശക്തമായ ഭൂകമ്പം; രക്ഷാപ്രവർത്തനം തടസ്സപ്പെട്ടു; മരണസംഖ്യ 1400 കവിഞ്ഞു
സംസ്ഥാനത്ത് അടുത്ത അഞ്ച് ദിവസം മഴക്ക് സാധ്യത; വിവിധ ജില്ലകളില്‍ യെല്ലോ അലര്‍ട്ട്
