swapna revelation
സരിത്തിനെ ഫ്ളാറ്റില് നിന്ന് പൊക്കിയത് വിജിലന്സ്
കസ്റ്റഡി ലൈഫ് മിഷന് അന്വേഷണത്തില്
പാലക്കാട് | സ്വര്ണക്കടത്ത് കേസില് സ്വപ്ന സുരേഷിന്റെ കൂട്ടുപ്രതി പി എസ് സരിത്തിനെ കസ്റ്റഡിയിലെടുത്ത് വിജിലന്സ്. വിജിലന്സിന്റെ പാലക്കാട് യൂണിറ്റാണ് സ്വപ്ന സുരേഷിന്റെ ഫ്ളാറ്റില് നിന്നും സരിത്തിനെ പിടികൂടിയത്. ലൈഫ് മിഷന് അന്വേഷണത്തിന്റെ ഭാഗമായാണ് സരത്തിനെ കസ്റ്റഡിയിലെടുത്തതെന്നാണ് വിജിലന്സ് മാധ്യമങ്ങളോട് പറഞ്ഞു.
സരിത്തിനെ തന്റെ ഫ്ളാറ്റിലെത്തി ഒരുസംഘം തട്ടിക്കൊണ്ടുപോയെന്ന് സ്വപ്ന സുരേഷ് ആരോപിച്ചിരുന്നു. ഇതിന് പിന്നാലെയാണ് വിജിലന്സ് കസ്റ്റിഡിയാണെന്ന് വ്യക്തമായത്. സ്വിഫ്റ്റ് കറിലെത്തിയ സംഘമാണ് തട്ടിക്കൊണ്ടുപോയതെന്നും നാല് പേരാണ് സംഘത്തിലുണ്ടായതെന്നും സ്വപ്ന പറഞ്ഞിരുന്നു. പോലീസ് യൂണിഫോമിലല്ല സംഘമെത്തിയത്. ഐ ഡി കാര്ഡ് ഒന്നും കാണിച്ചില്ലെന്നും സ്വപ്ന പറഞ്ഞിരുന്നു.
താന് വാര്ത്താസമ്മേളനം നടത്തി പൊതുജനങ്ങളോട് കാര്യങ്ങള് പറഞ്ഞപ്പോള് തന്നെ സരിത്തിനെ തട്ടിക്കൊണ്ടുപോയി. എച്ച് ആര് ഡി എസില് തന്റെ സഹപ്രവര്ത്തകനാണ് സരിത്ത്. പട്ടാപ്പകലാണ് തട്ടിക്കൊണ്ട് പോകല്. ഒരു സ്ത്രീ സത്യം പറഞ്ഞാല് ഇവിടെ എന്തും സംഭവിക്കാമെന്നും സ്വപ്ന ആരോപിച്ചിരുന്നു.