munnar death
ഭര്ത്താവിനും കുഞ്ഞിനുമൊപ്പം മൂന്നാറിലെത്തിയ യുവതി ഹോട്ടല് മുറിയില് മരിച്ച നിലയില്
പത്തനംതിട്ട കോന്നി സ്വദേശി ജോതി (30) യാണ് മരിച്ചത്
ഇടുക്കി | മൂന്നാര് സന്ദര്ശിക്കാനെത്തിയ യുവതിയെ ഹോട്ടല് മുറിയില് മരിച്ച നിലയില് കണ്ടെത്തി. പത്തനംതിട്ട കോന്നി സ്വദേശി ജോതി (30) യാണ് മരിച്ചത്.
ഭര്ത്താവിനും കുട്ടിക്കുമൊപ്പം മൂന്നാറിലെത്തിയ യുവതിയെ മുറിയിലെ ഫാനില് തൂങ്ങി മരിച്ച നിലയിലാണ് കണ്ടെത്തിയത്. ആത്മഹത്യയെന്നാണ് പ്രാഥമിക നിഗമനം. ഭര്ത്താവ് കുളിക്കാന് ബാത്ത്റൂമില് കയറിയ സമയത്ത് യുവതി മുറിയിലെ ഫാനില് ഷാള് ഉപയോഗിച്ച് തൂങ്ങിമരിക്കുകയായിരുന്നു. രണ്ടു വയസ്സ് പ്രായമായ മകനും മുറിയില് ഉണ്ടായിരുന്നു. ഭര്ത്താവ് ഹോട്ടല് റിസപ്ഷനില് അറിയിച്ചതിനെ തുടര്ന്ന് ഹോട്ടല് അധികൃതര് പോലീസിനെ വിവരം അറിയിച്ചു.
കഴിഞ്ഞ തിങ്കളാഴ്ചയാണ് മൂന്നംഗ കുടുംബം മൂന്നാര് സന്ദര്ശനത്തിന് എത്തിയത്. കൊച്ചി – ധനുഷ് കോടി ദേശീയപാതയില് പഴയ മൂന്നാര് സി എസ് ഐ ജംഗ്ഷനു സമീപത്തുള്ള സ്വകാര്യ റിസോര്ട്ടിലാണ് ഇവര് മുറിയെടുത്തത്.
ഇന്ന് രാവിലെ മൂന്നാറിലെ വിനോദ സഞ്ചാര കേന്ദ്രങ്ങള് സന്ദര്ശിച്ച് ഉച്ചയോടെ മുറിയില് മടങ്ങി എത്തിയ ശേഷമായിരുന്നു സംഭവം. ഹോട്ടല് അധികൃതര് അറിയിച്ചതിനെത്തുടര്ന്നു സംഭവ സ്ഥലത്ത് എത്തിയ പോലീസ് പരിശോധനകള് നടത്തി. കൂടുതല് വിവരങ്ങള്ക്കായി പോലീസ് അന്വേഷണം തുടങ്ങി. മൃതദേഹം മൂന്നാറിലെ സ്വകാര്യ ആശുപത്രിയിലേക്ക് മാറ്റി. ഇന്ക്വസ്റ്റ് നടപടികള്ക്ക് ശേഷം പോസ്റ്റ്മോര്ട്ടം നടത്തി മൃതദേഹം ബന്ധുക്കള്ക്ക് കൈമാറുമെന്ന് പോലീസ് അറിയിച്ചു.
(ആത്മഹത്യ ഒന്നിനും പരിഹാരമല്ല. അതിജീവിക്കാന് ശ്രമിക്കുക. മാനസികാരോഗ്യ വിദഗ്ധരുടെ സഹായം തേടുക. അത്തരം ചിന്തകളുളളപ്പോള് വിളിക്കുക ടോള് ഫ്രീ നമ്പര്: 1056, 04712552056)
Latest
ഇസ്റാഈല് കൊന്ന ഖംനഈയുടെ എക്സ് അക്കൗണ്ട് ആക്ടീവായി; താക്കീതുമായി ആദ്യ പോസ്റ്റ്
കെ പി സി സി പ്രസിഡന്റ് സണ്ണി ജോസഫിന്റെ സഹോദരന് ബി ജെ പി വേദിയില്
സ്വകാര്യ ആശുപത്രി ജീവനക്കാരുടെ ശമ്പളം പരിഷ്കരിക്കും; കരട് വിജ്ഞാപനം ഉടന്
ഒരുമയുടെ സന്ദേശവുമായി ഗ്രാന്ഡ് ഇഫ്താര്
പ്രായപൂര്ത്തിയാകുന്നതിനു മുമ്പ് ട്രംപ് തന്നെ ലൈംഗിക പീഡനത്തിനിരയാക്കിയതായി സ്ത്രീയുടെ വെളിപ്പെടുത്തല് പുറത്ത്
സ്റ്റെതസ്കോപ്പ് അഴിച്ച് രാജ്യത്തിന്റെ ഭരണസിരാകേന്ദ്രങ്ങളിലേക്ക്; അനുജ് അഗ്നിഹോത്രിയുടെ വിജയഗാഥ
