vaccination certificate
വാക്‌സിനേഷന്‍ സര്‍ട്ടിഫിക്കറ്റില്‍ നിന്ന് മോദിയുടെ ചിത്രം നീക്കം ചെയ്യണമെന്ന ഹരജി ചെലവ് സഹിതം തള്ളി
പൊതു താത്പര്യമല്ല, പ്രശസ്തി താത്പര്യമാണ് ഹരജിക്ക് പിന്നിലെന്നും ഹൈക്കോടതി നിരീക്ഷിച്ചു
കൊച്ചി | കൊവിഡ് വാക്‌സീനേഷന്‍ സര്‍ട്ടിഫിക്കറ്റില്‍ നിന്നും പ്രധാനമന്ത്രി നരേന്ദ്രമോദിയുടെ ചിത്രം നീക്കം ചെയ്യണമെന്ന ഹരജി ചെലവ് സഹിതം തള്ളി. കേരള ഹൈക്കോടതിയുടെ ജസ്റ്റിസ് പി വി കുഞ്ഞികൃഷ്ണന്റെ ബഞ്ചാണ് ഹരജി തള്ളിയത്. ഹരജിക്കാരന്‍ ഒരു ലക്ഷം രൂപ പിഴ ആറാഴ്ചക്കകം കേരള ലീഗല്‍ സര്‍വീസസ് സൊസൈറ്റിയില്‍ അടക്കണം എന്നും ഹൈക്കോടതി വിധിച്ചു.
ഹരജി തീര്‍ത്തും ബാലിശമാണ്. ഇതിന് പിന്നില്‍ രാഷ്ട്രീയ താത്പര്യമുണ്ട്. പൊതു താത്പര്യമല്ല, പ്രശസ്തി താത്പര്യമാണ് ഹരജിക്ക് പിന്നിലെന്നും ഹൈക്കോടതി നിരീക്ഷിച്ചു. ഗൗരവമുള്ള കേസുകള്‍ കോടതികളില്‍ കെട്ടിക്കിടക്കുമ്പോള്‍ അനാവശ്യ ഹരജികള്‍ പരിഗണിക്കാന്‍ കഴിയില്ലെന്നും കോടതി ചൂണ്ടിക്കാട്ടി.
പണം കൊടുത്ത് സ്വകാര്യ ആശുപത്രിയില്‍ നിന്ന് വാക്‌സീന്‍ എടുക്കുമ്പോള്‍ മോദിയുടെ ചിത്രം പതിക്കുന്നത് മൗലികാവകാശ ലംഘനമാണെന്ന് ചൂണ്ടിക്കാട്ടി കടുത്തുരുത്തി സ്വദേശി പീറ്റര്‍ മാലിപ്പറമ്പില്‍ ആണ് ഹരജി നല്‍കിയത്.
Latest
സംസ്ഥാനത്ത് നീതിയുക്തമായ തിരഞ്ഞെടുപ്പ് നടന്നില്ല: വി ഡി സതീശന്‍
അന്താരാഷ്ട്ര ഫുട്‌ബോളില്‍ ഈ വര്‍ഷം കൂടി മാത്രം; വിരമിക്കലിനൊരുങ്ങി മാര്‍ത്ത
സല്‍മാന്‍ ഖാന്റെ വസതിക്കു നേരെ വെടിവെപ്പ്: പ്രതികളെ ചോദ്യം ചെയ്ത് എന്‍ ഐ എ
സംസ്ഥാനത്ത് മൂന്ന് ജില്ലകളില്‍ മൂന്ന് ദിവസം ഉഷ്ണതരംഗ മുന്നറിയിപ്പ്; 12 ജില്ലകളില്‍ മഞ്ഞ ജാഗ്രത
ഡ്രെഡ്ജര്‍ അഴിമതി കേസ്: മുന്‍ ഡി ജി പി. ജേക്കബ് തോമസിനെതിരായ അന്വേഷണത്തിന് സമയം നീട്ടി നല്‍കി സുപ്രീം കോടതി
വോട്ടെടുപ്പ്: സംസ്ഥാനത്ത് വിവിധ ഇടങ്ങളില്‍ അഞ്ചുപേര്‍ കുഴഞ്ഞുവീണ് മരിച്ചു
