National
മൂര്‍ഖന്‍ പാമ്പിനെ പുകച്ച് പുറത്താക്കാന്‍ ശ്രമിക്കുന്നതിനിടെ വീടിന് തീപിടിച്ചു
പാമ്പിനെ പുകച്ച് പുറത്താക്കാന്‍ വീട്ടുകാര്‍ ചാണകപ്പൊടി കത്തിച്ച് വീടിനുള്ളില്‍ കയറി. എന്നാല്‍ അപ്രതീക്ഷിതമായി തീ പടര്‍ന്നു പിടിക്കുകയായിരുന്നു.
ബാന്ധ| വീടിനുള്ളില്‍ കയറിയ പാമ്പിനെ പുകച്ച് പുറത്താക്കാന്‍ ശ്രമിക്കുന്നതിനിടെ വന്‍ തീപിടുത്തം. ഉത്തര്‍പ്രദേശിലെ ബാന്ധയിലാണ് സംഭവം. വീടിനുള്ളില്‍ കയറിയ മൂര്‍ഖനെ പുകച്ച് പുറത്താക്കാന്‍ വീട്ടുക്കാര്‍ ശ്രമിക്കുന്നതിനിടെയാണ് വീടിന് തീപിടിച്ചത്. വീട് പൂര്‍ണമായും കത്തി നശിച്ചു.
കൂലിപ്പണിക്കാരനായ രാജ്കുമാറിന്റെ വീടാണ് തീപിടുത്തത്തില്‍ നശിച്ചത്. ഭാര്യയ്ക്കും അഞ്ച് കുട്ടികള്‍ക്കുമൊപ്പമാണ് രാജ്കുമാര്‍ താമസിച്ചിരുന്നത്. രാവിലെ പത്തുമണിയോടെയാണ് ഇവര്‍ വീടിനുള്ളില്‍ മൂര്‍ഖന്‍ പാമ്പിനെ കണ്ടത്. പാമ്പിനെ പുകച്ച് പുറത്താക്കാന്‍ വീട്ടുകാര്‍ ചാണകപ്പൊടി കത്തിച്ച് വീടിനുള്ളില്‍ കയറി. എന്നാല്‍ അപ്രതീക്ഷിതമായി തീ പടര്‍ന്നു പിടിക്കുകയായിരുന്നു.
തീപിടുത്തത്തില്‍ കുടുംബത്തിന്റെ പണവും ആഭരണങ്ങളും ക്വിന്റല്‍ കണക്കിന് ധാന്യങ്ങളും ചാരമായി. വിവരമറിഞ്ഞ് പോലീസും ഫയര്‍ഫോഴ്‌സും സ്ഥലത്തെത്തി തീ നിയന്ത്രണ വിധേയമാക്കി.
Latest
അയല്‍വാസിയുടെ 6 വയസ്സുള്ള മകനെ പീഡിപ്പിച്ച യുവാവിന് 20 വര്‍ഷം കഠിനതടവ്
ആന്ധ്രാപ്രദേശില്‍ അപകടത്തില്‍പ്പെട്ട വാഹനത്തില്‍ നിന്ന് ഏഴ് കോടി പിടിച്ചെടുത്തു
രാജ്യത്തെ ഏകാധിപത്യത്തില്‍ നിന്ന് മോചിപ്പിക്കുക കെജ് രിവാളെന്ന് ഭഗവത് മന്‍
സംസ്ഥാനത്ത് അടുത്ത 5 ദിവസം ശക്തമായ മഴയ്ക്ക് സാധ്യത
നിലമ്പൂരില്‍ ബൈക്ക് യാത്രികന് സൂര്യാഘാതമേറ്റു
പേരാമ്പ്രയില്‍ കനാലില്‍ കാണാതായ യുവാവിന്റെ മൃതദേഹം കണ്ടെത്തി
