ആന്‍ഡമാന്‍ നിക്കോബാറില്‍ ശക്തമായ ഭൂചലനം

ആന്‍ഡമാന്‍ നിക്കോബാര്‍| ആന്‍ഡമാന്‍ നിക്കോബാറില്‍ ശക്തമായ ഭൂചലനമുണ്ടായി. റിക്ടര്‍ സ്‌കെയിലില്‍ 4.0 തീവ്രത രേഖപ്പെടുത്തിയ ഭൂചലനമാണ് വെളളിയാഴ്ച്ച ഉണ്ടായത്. നിലവില്‍ നാശനഷ്ടങ്ങളൊന്നും സംഭവിച്ചിട്ടില്ല.

നാഷണല്‍ സെന്റര്‍ ഫോര്‍ സീസ്മോളജി (എന്‍സിഎസ്) പ്രകാരം വെള്ളിയാഴ്ച രാത്രി 11:56-നാണ് പോര്‍ട്ട് ബ്ലെയറില്‍ ഭൂചലനം അനുഭവപ്പെട്ടത്. കഴിഞ്ഞ കുറച്ച് ദിവസങ്ങളായി വിവിധ സ്ഥലങ്ങളില്‍ ഭൂചലനങ്ങള്‍ അനുഭവപ്പെടുന്നുണ്ട്. മാര്‍ച്ച് 24ന് ഛത്തീസ്ഗഡിലെ അംബികാപൂരില്‍ ഭൂചലനം അനുഭവപ്പെട്ടിരുന്നു. അത് റിക്ടര്‍ സ്‌കെയിലില്‍ 3.9 തീവ്രത രേഖപ്പെടുത്തിയിരുന്നു. എന്നാല്‍ ഒരുതരത്തിലുമുള്ള നാശനഷ്ടവും അവിടെ റിപ്പോര്‍ട്ട് ചെയ്തിട്ടില്ല.