ksrtc students concession
വിദ്യാർഥി യാത്രാ കൺസഷൻ നിയന്ത്രണം: കെ എസ് ആർ ടി സി തീരുമാനം പിൻവലിക്കണമെന്ന് എസ് എഫ് ഐയും കെ എസ് യുവും
പിൻവലിച്ചില്ലെങ്കിൽ പ്രക്ഷോഭമെന്ന് എസ് എഫ് ഐയും കെ എസ് യുവും
തിരുവനന്തപുരം | വിദ്യാർഥികളുടെ യാത്രാ കൺസെഷനിൽ നിയന്ത്രണം കൊണ്ടുവരാനുള്ള കെ എസ് ആർ ടി സിയുടെ നീക്കത്തിനെതിരെ വിദ്യാർഥി സംഘടനകൾ. സി പി എമ്മിൻ്റെ വിദ്യാർഥി സംഘടന എസ് എഫ് ഐയും കോൺഗ്രസിൻ്റെ കെ എസ് യുവും തീരുമാനം പിൻവലിക്കണമെന്ന് കെ എസ് ആർ ടി സി മാനേജ്മെൻ്റിനോട് ആവശ്യപ്പെട്ടു.
കേരളത്തിലെ വിദ്യാർഥി സമൂഹം ഐതിഹാസിക സമരങ്ങളിലൂടെ നേടിയെടുത്ത അവകാശമായ യാത്രാ കൺസഷൻ്റെ കടയ്ക്കൽ കത്തി വെക്കുന്ന സമീപനമാണ് കെ എസ് ആർ ടി സി മാനേജ്മെൻ്റ് സ്വീകരിക്കുന്നതെന്ന് എസ് എഫ് ഐ പ്രസ്താവനയിൽ പറഞ്ഞു. കൺസഷൻ നൽകുന്നതിന് മാനേജ്മെൻ്റ് സ്വീകരിച്ചിരിക്കുന്ന പുതിയ മാനദണ്ഡങ്ങൾ അംഗീകരിക്കാൻ കഴിയാത്തതാണ്. സെൽഫ് ഫിനാൻസിംഗ് കോളേജുകളിൽ പഠിക്കുന്ന ലക്ഷക്കണക്കിന് വിദ്യാർഥികൾക്ക് പുതിയ ഉത്തരവ് മൂലം കൺസഷൻ നിഷേധിക്കുന്ന സ്ഥിതിയുണ്ടാകും. സർക്കാർ – എയ്ഡഡ് മേഖലയിലെ ഒരു വിഭാഗം വിദ്യാർഥികളെയും ഉത്തരവ് ബാധിക്കും.
വിദ്യാർഥി യാത്രാ കൺസഷൻ്റെ പ്രായപരിധി 25 ആയി നിജപ്പെടുത്തിയ നടപടിയും അംഗീകരിക്കാനാകില്ല. ആയതിനാൽ വിദ്യാർഥി യാത്രാ കൺസഷനുമായി ബന്ധപ്പെട്ട കെ എസ് ആർ ടി സിയുടെ പുതിയ തീരുമാനം ഉടൻ പിൻവലിക്കണം. അല്ലാത്തപക്ഷം വലിയ വിദ്യാർഥി പ്രക്ഷോഭം ഉയർത്തിക്കൊണ്ടുവരുമെന്ന് എസ് എഫ് ഐ സംസ്ഥാന പ്രസിഡൻ്റ് കെ അനുശ്രീ, സെക്രട്ടറി പി എം ആർഷോ എന്നിവർ പ്രസ്താവനയിലൂടെ അറിയിച്ചു.
സമരങ്ങളിലൂടെ നേടിയെടുത്ത വിദ്യാർഥി കൺസഷൻ അട്ടിമറിക്കാനുള്ള കെ എസ് ആർ ടി സിയുടെ നീക്കത്തെ ശക്തമായി പ്രതിരോധിക്കുമെന്ന് കെ എസ് യു അറിയിച്ചു. കൺസഷൻ വിദ്യാർഥികളുടെ അവകാശമാണ്, കെ എസ് ആർ ടി സി. എം ഡി യുടെ ഔദാര്യമല്ല. കെ എസ് ആർ ടി സിയുടെ കെടുകാര്യസ്ഥതയിൽ വിദ്യാർഥികളുടെ മേലിൽ കയറേണ്ടതില്ല.
Latest
ബലാത്സംഗ കൊലപാതകം; ആര് ജി കാര് മെഡിക്കൽ കോളജിലെ മുൻ പ്രിന്സിപ്പൽ സന്ദീപ് ഘോഷിന്റെ രജിസ്ട്രേഷൻ റദ്ദാക്കി
മലപ്പുറത്ത് 7 പേര്ക്ക് നിപ ലക്ഷണങ്ങള്; 37 പേരുടെ പരിശോധനാ ഫലം നെഗറ്റീവ്: ആരോഗ്യമന്ത്രി വീണാ ജോര്ജ്
ബുൾഡോസർ രാജിനെതിരായ നിയമ പോരാട്ടത്തിൽ ഇടപെടാനൊരുങ്ങി ഇന്ത്യ മുന്നണി യുവജന വിഭാഗം
കലവൂര് സുഭദ്ര വധക്കേസ്; പ്രതികളെ കൊലപാതകം നടത്തിയ വീട്ടിലും പരിസരത്തുമെത്തിച്ച് തെളിവെടുപ്പ് നടത്തി
ശൈഖ് ഹമദ് ബിൻ മുഹമ്മദ് അൽ ശർഖി; ഫുജൈറയുടെ അരനൂറ്റാണ്ട് അടയാളപ്പെടുത്തിയ ഭരണാധികാരി
ബെംഗളൂരുവില് സ്വകാര്യ ആശുപത്രിയിലെ ഐസിയുവില് തീപ്പിടിത്തം; മലയാളി യുവാവ് മരിച്ചു
