Connect with us

National

പ്രധാനമന്ത്രിയുടെ കർണാടകയിലെ റോഡ് ഷോക്കിടെ സുരക്ഷാ വീഴ്ച

കര്‍ണാടകയിലെ രണ്ടാമത്തെ സുരക്ഷാ വീഴ്ചയാണ് ദാവണഗെരെലെത്

Published

|

Last Updated

ദാവണഗെരെ (കര്‍ണാടക) | തെരഞ്ഞെടുപ്പ് റാലിക്കിടെ പ്രധാനമന്ത്രി നരേന്ദ്രമോദിയുടെ വാഹന വ്യൂഹത്തിന് നേരെ പാഞ്ഞടുത്ത് യുവാവ്. വന്‍ സുരക്ഷാ വീഴ്ചയാണ് കര്‍ണാടകയിലെ ദാവണഗെരെ ജില്ലയില്‍ ഉണ്ടായത്. എന്നാല്‍, നിമിഷങ്ങള്‍ക്കകം ഓടിയെത്തിയ പോലീസ് സംഘം യുവാവിനെ കീഴടക്കി.

കര്‍ണാടകയിലെ തിരഞ്ഞെടുപ്പ് റാലിക്കിടയിലെ രണ്ടാമത്തെ സുരക്ഷാ വീഴ്ചയാണ് ദാവണഗെരെയില്‍ ഉണ്ടായത്. നേരത്തേ, ഹുബ്ലിയില്‍ റോഡ് ഷോ നടത്തുന്നതിനിടെ ഒരു കുട്ടി പ്രധാനമന്ത്രിയുടെ വാഹനത്തിന്റെ തൊട്ടടുത്ത് എത്തിയിരുന്നു.

ദാവണഗെരെയില്‍ പോലീസ് ബാരിക്കേഡ് മറികടന്ന യുവാവിനെ പോലീസ് ചോദ്യം ചെയ്തു വരികയാണ്. കര്‍ണാടകയിലെ കോപ്പലില്‍ നിന്നുള്ളയാളാണ് യുവാവെന്ന് പോലീസ് പറഞ്ഞു.