National
രാജി ബോധപൂര്വ്വമായ തീരുമാനം; കാരണങ്ങള് ഉചിതമായ സമയത്ത് വെളിപ്പെടുത്തും: സി വി ആനന്ദബോസ്
ഈ കളിയുടെ നിയമങ്ങളില് അതെപ്പോള് അവസാനിപ്പിക്കണമെന്ന് അറിയുന്നതും ഉള്പ്പെടുന്നുവെന്നും അദ്ദേഹം പറഞ്ഞു
കൊല്ക്കത്ത | ബംഗാള് ഗവര്ണര് സ്ഥാനം രാജിവെച്ചതില് പ്രതികരിച്ച് സി വി ആനന്ദബോസ്. രാജി തികച്ചും ബോധപൂര്വമായ ഒരു തീരുമാനമാണെന്നും അതിന്റെ കാരണങ്ങള് ഉചിതമായ സമയത്ത് വെളിപ്പെടുത്തുമെന്നും അദ്ദേഹം പറഞ്ഞു. കൊല്ക്കത്ത വിമാനത്താവളത്തില് തന്നെ കണ്ട മാധ്യമ പ്രവര്ത്തകരോട് സംസാരിക്കുകയായിരുന്നു ആനന്ദബോസ് .ഈ കളിയുടെ നിയമങ്ങളില് അതെപ്പോള് അവസാനിപ്പിക്കണമെന്ന് അറിയുന്നതും ഉള്പ്പെടുന്നുവെന്നും അദ്ദേഹം പറഞ്ഞു
ഗവര്ണറുടെ ഔദ്യോഗിക വസതിയായ ബംഗ ഭവന് അദ്ദേഹം ഞായറാഴ്ച ഒഴിഞ്ഞുകൊടുത്തു. നിയമസഭാ തെരഞ്ഞെടുപ്പ് അടുത്തിരിക്കെ ഗവര്ണര് സ്ഥാനത്തുനിന്ന് അപ്രതീക്ഷിതമായി രാജിവച്ചത് രാഷ്ട്രീയ വൃത്തങ്ങളില് വലിയ ചര്ച്ചയ്ക്ക് വഴിവച്ചിരുന്നു.
ആനന്ദബോസ് രാജി വെക്കുന്നതിന് ഒരാഴ്ച മുന്പ് തന്നെ തന്റെ വോട്ട് ബംഗാളിലേക്ക് മാറ്റിയിരുന്നു. ഗവര്ണര് പദവിയില് നിന്ന് മാറിയെങ്കിലും വോട്ട് രേഖപ്പെടുത്താനായി താന് ബംഗാളിലേക്ക് മടങ്ങിവരുമെന്നും അദ്ദേഹം വ്യക്തമാക്കി
രാഷ്ട്രപതി ദ്രൗപദി മുര്മുവിന്റെ ബംഗാള് സന്ദര്ശനവുമായി ബന്ധപ്പെട്ട വിവാദങ്ങളിലും അദ്ദേഹം പ്രതികരിച്ചു. രാഷ്ട്രപതി വളരെ പരിചയസമ്പന്നയും മഹിമയുമുള്ള വ്യക്തിയാണ്. അവരെപ്പോലുള്ളവര്ക്ക് അത്തരമൊരു അഭിപ്രായം പറയാന് അവരുടേതായ കാരണങ്ങളുണ്ടാകും. രാഷ്ട്രപതി പറഞ്ഞ കാര്യങ്ങളില് പ്രതികരിക്കേണ്ട വ്യക്തി ഞാന് അല്ല-ആനന്ദബോസ് പറഞ്ഞു.
Latest
യു പ്രതിഭയ്ക്ക് എതിരെ അധിക്ഷേപം; നടപടിയെടുക്കാന് മുഖ്യ തിരഞ്ഞെടുപ്പ് ഓഫീസര് ആലപ്പുഴ ജില്ലാ കലക്ടര്ക്ക് നിര്ദ്ദേശം നല്കി
വന്ദേ ഭാരത് എക്സ്പ്രസില് യാത്രക്കാരന് നല്കിയ ഭക്ഷണത്തില് ജീവനുള്ള പുഴുക്കള്
ഇന്നു പുലര്ച്ചെ ആന്ധ്രാപ്രദേശില് ബസും ടിപ്പറും കൂട്ടിയിടിച്ച് പത്ത് പേര് കൊല്ലപ്പെട്ടു; 20 പേര്ക്ക് പരിക്ക്
എസ് എസ് എല് സി പരീക്ഷ കഴിഞ്ഞ് കനാലില് കുളിക്കാനിറങ്ങിയ വിദ്യാര്ഥി മുങ്ങി മരിച്ചു
ശബരിമല കൊടിമര പുനഃപ്രതിഷ്ഠ; അന്വേഷണ റിപ്പോര്ട്ട് ഇന്ന് വിജിലന്സ് ഹൈക്കോടതിയില് സമര്പ്പിക്കും
മഞ്ചേശ്വരം മണ്ഡലത്തില് പി ഡി പി പിന്തുണ യു ഡി എഫിന്
