Political crisis in Jharkhand
ജാര്‍ഖണ്ഡ് മുഖ്യമന്ത്രി ഹേമന്ത് സോറനെ അയോഗ്യനാക്കാന്‍ ശിപാര്‍ശ
തിരഞ്ഞെടുപ്പ് കമ്മീഷന്റെ ശിപാര്‍ശയില്‍ ഗവര്‍ണറുടെ നടപടി ഉടന്‍
ന്യൂഡല്‍ഹി | ജാര്‍ഖണ്ഡില്‍ വലിയ രാഷ്ട്രീയ അനിശ്ചിതത്വംസൃഷ്ടിച്ച് മുഖ്യമന്ത്രി ഹേമന്ത് സോറനെ അയോഗ്യനാക്കാന്‍ കേന്ദ്ര തിഞ്ഞെടുപ്പ് കമ്മീഷന്റെ തീരുമാനം. സോറനെ എം എല്‍ എ പദത്തില്‍ നിന്ന് അയോഗ്യനാക്കാനുള്ള ശിപാര്‍ശ തിരഞ്ഞെടുപ്പ് കമ്മീഷന് ഗവര്‍ണര്‍ക്ക് കൈമാറി. വിഷയത്തില്‍ ഗവര്‍ണര്‍ ഉടന്‍ നടപടി എടുക്കുമെന്നാണ് റിപ്പോര്‍ട്ട്. ഗവര്‍ണറുടെ നടപടിക്ക് മുമ്പ് സോറന്‍ രാജിവെച്ചേക്കുമെന്നാണ് റിപ്പോര്‍ട്ട്.
1951 ലെ ജനപ്രാതിനിധ്യ നിയമത്തിലെ സെക്ഷന്‍ 9 എ സോറന്‍ ലംഘിച്ചുവെന്നാണ് തിരഞ്ഞെടുപ്പ് കമ്മീഷന്റെ കണ്ടെത്തല്‍. സോറന്‍ തന്റെ പദവി ദുരുപയോഗം ചെയ്ത് ഖനന പാട്ടം തനിക്കുതന്നെ അനുവദിച്ചു നല്‍കിയെന്ന ആരോപണത്തിലാണ് നടപടി. ബി ജെ പി ദേശീയ വൈസ് പ്രസിഡന്റും ജാര്‍ഖണ്ഡ് മുന്‍ മുഖ്യമന്ത്രിയുമായ രഘുബര്‍ ദാസ് കഴിഞ്ഞ ഫെബ്രുവരിയിലാണ് ആരോപണവുമായി രംഗത്തെത്തിയത്. തുടര്‍ന്ന് തിരഞ്ഞെടുപ്പ് കമ്മീഷന് പരാതിയും നല്‍കുകയായിരുന്നു.
സോറന്റെ ജെ എം എമ്മും കോണ്‍ഗ്രസും ചേര്‍ന്നുള്ള സഖ്യ സര്‍ക്കാറാണ് ജാര്‍ഖണ്ഡ് ഭരിക്കുന്നത്. ഇതിനെ അട്ടിമറിക്കാന്‍ ബി ജെ പി കരുനീക്കങ്ങള്‍ ആരംഭിച്ചതായ റിപ്പോര്‍ട്ടുകള്‍ക്കിടെയാണ് സോറനെതിരെ തിരഞ്ഞെടുപ്പ് കമ്മീഷന്റെ നടപടി. എന്നാല്‍ മുഖ്യമന്ത്രി സ്ഥാനം രാജിവെച്ച് തന്റെ ബന്ധുവിന് സ്ഥാനം നല്‍കി ഭരണം സോറന്‍ നിലനിര്‍ത്തിയേക്കുമെന്നാണ് റിപ്പോര്‍ട്ട്. ഒപ്പം തിരഞ്ഞെടുപ്പ് കമ്മീഷന്റെ നടപടിക്കെതിരെ കോടതിയിലും നിയമ പോരാട്ടം നടത്തും.
Latest
പൊന്നാനിയില്‍ മത്സ്യബന്ധന ബോട്ടില്‍ കപ്പലിടിച്ച് അപകടം; രണ്ട് മത്സ്യത്തൊഴിലാളികള്‍ മരിച്ചു
സംസ്ഥാനത്ത് ആദ്യം: കൊച്ചി മെട്രോ ഫീഡർ ഓട്ടോ "ഡിജിറ്റലായി'; ഇന്ന് മുതൽ സേവനം
ജബലിയയിലേക്ക് ഇസ്റാഈൽ ടാങ്കുകൾ; ലക്ഷ്യം അഭയാർഥികൾ
നാലാം ഘട്ടം ഇന്ന്; 96 മണ്ഡലങ്ങൾ ബൂത്തിലേക്ക്
സ്വകാര്യ വിദ്യാഭ്യാസ പരിശീലന കേന്ദ്രങ്ങൾക്ക് നിയമം വരുന്നു
ഫലസ്തീൻ സ്വാതന്ത്ര്യം: ശബ്ദമുയരുന്നത് പ്രതീക്ഷാജനകം- അംബാസിഡർ അദ്നാൻ അബുൽ ഹൈജ
