Ongoing News
രണ്ടാം ജയം സ്വന്തമാക്കി രാജസ്ഥാന്‍; ഡല്‍ഹിയെ തറപറ്റിച്ചത് 12 റണ്‍സിന്
ആദ്യം ബാറ്റ് ചെയ്ത രാജസ്ഥാന്‍ അഞ്ച് വിക്കറ്റ് നഷ്ടത്തില്‍ 185 റണ്‍സെടുത്തു. ഡല്‍ഹിയുടെ പോരാട്ടം 173ല്‍ അവസാനിച്ചു.
ജയ്പുര്‍ | ഐ പി എലില്‍ രണ്ടാം ജയം സ്വന്തമാക്കി രാജസ്ഥാന്‍. ഇന്നത്തെ അങ്കത്തില്‍ ഡല്‍ഹിയെ തോല്‍പ്പിച്ചു. ആവേശകരമായ മത്സരത്തില്‍ 12 റണ്‍സിനാണ് രാജസ്ഥാന്‍ റോയല്‍സിന്റെ വിജയം. ആദ്യം ബാറ്റ് ചെയ്ത രാജസ്ഥാന്‍ അഞ്ച് വിക്കറ്റ് നഷ്ടത്തില്‍ 185 റണ്‍സെടുത്തു. ഡല്‍ഹിയുടെ പോരാട്ടം 173ല്‍ അവസാനിച്ചു.
ഡല്‍ഹിക്കായി ഡേവിഡ് വാര്‍ണറും ട്രിസ്റ്റന്‍ സ്റ്റബ്‌സും മികച്ച ബാറ്റിങ് കാഴ്ചവച്ചു. വാര്‍ണര്‍ 34 പന്തില്‍ 49 റണ്‍സെടുത്തപ്പോള്‍ സ്റ്റബ്‌സ് 23ല്‍ 44 സ്‌കോര്‍ ചെയ്തു. റിഷഭ് പന്ത് 26 പന്തില്‍ 28 റണ്‍സെടുത്തു. ഡല്‍ഹി ബൗളിങ് നിരയില്‍ യുസ്വേന്ദ്ര ചാഹലും നന്ദ്രെ ബര്‍ഗറും രണ്ട് വീതം വിക്കറ്റെടുത്തു. ആവേശ്ഖാന്‍ ഒരു വിക്കറ്റ് വീഴ്ത്തി.
നേരത്തെ റിയാന്‍ പരാഗിന്റെ വെടിക്കെട്ടിലാണ് രാജസ്ഥാന്‍ മികച്ച സ്‌കോര്‍ പടുത്തുയര്‍ത്തിയത്. 45 പന്ത് നേരിട്ട പരാഗ് 84 റണ്‍സാണ് വാരിക്കൂട്ടിയത്. രവിചന്ദ്രന്‍ അശ്വിന്‍ 19 പന്തില്‍ 29 റണ്‍സെടുത്തപ്പോള്‍ ധ്രുവ് ജുറേല്‍ 12ല്‍ 20 റണ്‍സ് നേടി. രാജസ്ഥാനായി അക്‌സര്‍ പട്ടേല്‍, ഖലീല്‍ അഹമ്മദ്, കുല്‍ദീപ് യാദവ് എന്നിവര്‍ ഓരോ വിക്കറ്റെടുത്തു.
Latest
അജ്മീറിലെ മസ്ജിദിനുള്ളിൽ കയറി ഇമാമിനെ അടിച്ചുകൊന്നു
പിടിച്ചെടുത്ത ഇസ്‌റാഈല്‍ ബന്ധമുള്ള ചരക്ക് കപ്പല്‍ വിട്ടയക്കുമെന്ന് ഇറാന്‍; കപ്പലില്‍ 17 ഇന്ത്യക്കാര്‍
മാധ്യമപ്രവര്‍ത്തകരാകാന്‍ മോഹമുണ്ടോ? പ്ലസ് ടു കഴിഞ്ഞവര്‍ക്കും മാധ്യമ പഠനം സാധ്യമാണ്
ഗസ്സയില്‍ ആക്രമണത്തില്‍ കൊല്ലപ്പെട്ട യുവതിയുടെ ഗര്‍ഭപാത്രത്തില്‍ നിന്നും രക്ഷപ്പെടുത്തിയ കുഞ്ഞ് മരിച്ചു
പാലക്കാട് പന്നിയുടെ ആക്രമണത്തില്‍ വീട്ടമ്മക്ക് പരുക്കേറ്റു
ക്ഷീണമകറ്റാന്‍ പഞ്ചസാര കഴിക്കുന്നുണ്ടോ എന്നാല്‍ ഇക്കാര്യങ്ങള്‍ സൂക്ഷിച്ചോളൂ
