Kerala
പ്രശ്ന പരിഹാരത്തിനായി പൂജാരിയുടെ വീട്ടിലെത്തിയ യുവതി ഭാര്യയുടെ ആഭരണങ്ങള് കവര്ന്നു
മോഷ്ടിച്ച സ്വര്ണാഭരണങ്ങള് വിറ്റു കിട്ടിയ പണം കൊണ്ട് പ്രതി പുതിയ സ്വര്ണാഭരണങ്ങളും വീട്ടിലേക്ക് പുതിയ ഗൃഹോപകരണങ്ങളും വാങ്ങി
തൃശൂര് | പൂജാരിയുടെ വീട്ടില് എത്തിയ യുവതി 12 പവന് വരുന്ന സ്വര്ണാഭരണങ്ങള് മോഷ്ടിച്ചു. പൂജാരിയായ കൊടകര മറ്റത്തൂര് മൂലംകുടം സ്വദേശി അജേഷ് എന്നയാളുടെ വീട്ടില് പ്രശ്ന പരിഹാരത്തിനായി എത്തിയ പറക്കാട്ടുകര സ്വദേശിനി മണ്ണാംപറമ്പില് വീട്ടില് സൂര്യ (26)യാണ് മോഷണം നടത്തിയത്. യുവതിയെ തൃശൂര് റൂറല് പൊലീസ് അറസ്റ്റ് ചെയ്തു.
ഇക്കഴിഞ്ഞ ഫെബ്രുവരി 16ന് ആയിരുന്നു സംഭവം. വീട്ടിലെ ബെഡ്റൂമിലെ അലമാരക്കുള്ളില് ബാഗില് സൂക്ഷിച്ചിരുന്ന പൂജാരിയുടെ ഭാര്യയുടെ 12 പവനോളം തൂക്കം വരുന്നതും ഏകദേശം 12 ലക്ഷത്തിലധികം വില വരുന്നതുമായ സ്വര്ണാഭരണങ്ങളാണ് പ്രതി കവര്ന്നത്. യുവതി പ്രശ്നപരിഹാരത്തിനായി ഇടക്കിടെ പൂജാരിയുടെ വീട്ടില് വരാറുണ്ട്. പൂജാരി അടുക്കളയിലേക്ക് മാറിയ സമയത്ത് യുവതി തന്ത്രപൂര്വം അലമാരയില് നിന്ന് സ്വര്ണാഭരണങ്ങള് കവര്ന്നത്
മോഷ്ടിച്ച സ്വര്ണാഭരണങ്ങള് വിറ്റു കിട്ടിയ പണം കൊണ്ട് പ്രതി പുതിയ സ്വര്ണാഭരണങ്ങളും വീട്ടിലേക്ക് പുതിയ ഗൃഹോപകരണങ്ങളും വാങ്ങി. പണയത്തില് ആയിരുന്ന സ്വന്തം ആഭരണങ്ങള് തിരിച്ചെടുത്തു. ആര്ഭാട ജീവിതം നയിക്കുന്നതിനിടെയാണ് പ്രതി പോലീസിന്റെ വലയിലായത്.കൊടകര പൊലീസ് സ്റ്റേഷന് ഇന്സ്പെക്ടര് ജെര്ലിന് വി സ്കറിയയുടെ നേതൃത്വത്തിലുള്ള സംഘമാണ് പ്രതിയെ പിടികൂടിയത്.
Latest
ഇറാനില് ഭൂചലനം ; ആളപായമില്ലെന്ന് റിപ്പോര്ട്ടുകള്
മിഡില് ഈസ്റ്റിലെ സംഘര്ഷം വ്യാപാരത്തെ ബാധിക്കുമോയെന്ന് ആശങ്ക; മന്ത്രാലയ സമിതി രൂപികരിച്ച് ഇന്ത്യ
അമിത വേഗത്തിലെത്തിയ കാര് ടയര് റിപ്പയറിംഗ് കടയില് ഇടിച്ചു കയറി; കട ഉടമ തല്ക്ഷണം മരിച്ചു
ചപ്പുചവറുകളില് നിന്നും തീപ്പിടിച്ചു; പൊങ്കാലയിടാന് എത്തിയ സ്ത്രീയുടെ കാര് കത്തി നശിച്ചു
പ്രശ്ന പരിഹാരത്തിനായി പൂജാരിയുടെ വീട്ടിലെത്തിയ യുവതി ഭാര്യയുടെ ആഭരണങ്ങള് കവര്ന്നു
മിഡില് ഈസ്റ്റിലെ സംഘര്ഷം: ഇന്ധന വില വര്ധനക്ക് ആലോചനയില്ല; ആശങ്കപ്പെടേണ്ട സാഹചര്യമില്ലെന്നും കേന്ദ്ര സര്ക്കാര്
