National
ഇന്‍ഡിഗോ വിമാനത്തിനുള്ളില്‍ സിഗരറ്റ് വലിച്ച യാത്രക്കാരന്‍ അറസ്റ്റില്‍
ഐപിസി, എയര്‍ക്രാഫ്റ്റ് ആക്ട് സെക്ഷന്‍ 336 പ്രകാരമാണ് യാത്രക്കാരനെതിരെ കേസെടുത്തത്.
മുംബൈ|ഡല്‍ഹിയില്‍ നിന്ന് മുംബൈയിലേക്ക് പുറപ്പെട്ട ഇന്‍ഡിഗോ വിമാനത്തില്‍ സിഗരറ്റ് വലിച്ച യാത്രക്കാരന്‍ അറസ്റ്റില്‍. വിമാനത്തിലെ ശുചിമുറിക്കുള്ളിലാണ് 42കാരന്‍ പുകവലിച്ചത്. സംഭവത്തെതുടര്‍ന്ന് വിമാന ജീവനക്കാര്‍ യാത്രക്കാരനെ പുകവലിക്കുന്നതില്‍ നിന്ന് തടയുകയും മുംബൈ വിമാനത്താവളത്തില്‍ വെച്ച് മുംബൈ പോലീസിന് കൈമാറുകയും ചെയ്തു.
വിമാനത്തിനുള്ളില്‍ സിഗരറ്റിന്റെ രൂക്ഷഗന്ധം തളം കെട്ടിയതിനെ തുടര്‍ന്ന് നടത്തിയ പരിശോധനയിലാണ് ശുചിമുറിക്കുള്ളില്‍ യാത്രക്കാരന്‍ പുകവലിക്കുന്നത് കണ്ടെത്തിയത്. ഐപിസി, എയര്‍ക്രാഫ്റ്റ് ആക്ട് സെക്ഷന്‍ 336 പ്രകാരമാണ് യാത്രക്കാരനെതിരെ കേസെടുത്തത്. ഇയാര്‍ ജുഡീഷ്യല്‍ കസ്റ്റഡിയിലാണെന്ന് പോലീസ് വ്യക്തമാക്കി.
കഴിഞ്ഞ വര്‍ഷം ഓഗസ്റ്റിലും സമാനമായ സംഭവം നടന്നിരുന്നു. ദുബായില്‍ നിന്ന് മുംബൈയിലേക്കുള്ള ഇന്‍ഡിഗോ വിമാനത്തിലെ ശുചിമുറിയില്‍ നിന്ന് പുകവലിച്ച യാത്രക്കാരനെ പോലീസ് അറസ്റ്റ് ചെയ്തിരുന്നു.
Latest
ജ്വല്ലറികളിലേക്ക് മൊത്തമായി വിതരണം ചെയ്യാനെത്തിച്ച സ്വര്‍ണ്ണം മലപ്പുറം താനൂരില്‍ അഞ്ചംഗ സംഘം കവര്‍ന്നു
നിയന്ത്രണംവിട്ട കാര്‍ തുണിക്കടയിലേക്ക് ഇടിച്ചുകയറി അപകടം; അഞ്ച് പേര്‍ക്ക് പരുക്ക്
കെഎസ്ആര്‍ടിസി ബസ് ഇടിച്ച് ഇരുചക്രവാഹന യാത്രികൻ മരിച്ചു
വടകരയില്‍ സൈബര്‍ ബോംബും പാനൂരിലെ ബോംബും സി പി എമ്മിന്റെ കൈയ്യില്‍ നിന്ന് തന്നെ പൊട്ടി: ടി സിദ്ധീഖ്
ചൊവ്വാഴ്ച വരെ 12 ജില്ലകളില്‍ ചൂട് തുടരും
കാണാതായ യുവതിയുടെ മൃതദേഹം മറ്റൊരു വീട്ടില്‍,വീടു നോക്കാനേല്‍പ്പിച്ച യുവാവും തൂങ്ങിമരിച്ച നിലയില്‍
