International
പട്ടാള നിയമം ഭേദഗതി ചെയ്യാനുള്ള ബില്‍ പാകിസ്ഥാന്‍ പാസാക്കി; വധശിക്ഷക്കെതിരെ കുല്ഭൂഷണ് അപ്പീല്‍ നല്‍കാം
പ്രതിപക്ഷ ബഹളത്തിനിടെയാണ് ബില്ലിന് അംഗീകാരം നല്‍കിയത്
ന്യൂഡല്‍ഹി | പാക്കിസ്ഥാന്‍ പട്ടാള കോടതി വധശിക്ഷ വിധിച്ച ഇന്ത്യന്‍ നാവികസേന മുന്‍ ഉദ്യോഗസ്ഥന്‍ കുല്ഭൂഷണ് ജാദവിന് വധശിക്ഷയ്‌ക്കെതിരെ അപ്പീല്‍ നല്‍കാം. സിവില്‍ കോടതിയില്‍ അപ്പീല്‍ നല്‍കാനുള്ള വ്യവസ്ഥ ഉള്‍പ്പെടുത്തി പട്ടാള നിയമം ഭേദഗതി ചെയ്യാനുള്ള ബില്‍ പാക് പാര്‍ലമെന്റിന്റെ സംയുക്ത സമ്മേളനം അംഗീകരിച്ചു.പ്രതിപക്ഷ ബഹളത്തിനിടെയാണ് ബില്ലിന് അംഗീകാരം നല്‍കിയത്. വധശിക്ഷ പുനഃപരിശോധിച്ച് ഫലപ്രദമായ വിചാരണ നടത്തണമെന്ന രാജ്യാന്തര നീതിന്യായ കോടതിയുടെ നിര്‍ദേശപ്രകാരമാണ് നടപടി.
ഇന്ത്യന്‍ രഹസ്യാന്വേഷണ ഏജന്‍സിയുടെ ഏജന്റായി പ്രവര്‍ത്തിച്ചുവെന്ന് ആരോപിച്ചാണ് ജാദവിനെ പാക്കിസ്ഥാന്‍ അറസ്റ്റുചെയ്തത്.2017 ലാണ് ചാരവൃത്തി ആരോപിച്ച് മുന്‍ നാവികസേന ഉദ്യോഗസ്ഥന്‍ കുല്ഭൂഷണ് ജാദവിന് പാക് കോടതി വധശിക്ഷ വിധിച്ചത്. അന്താരാഷ്ട്ര നീതിന്യായ കോടതി വധശിക്ഷ സ്റ്റേ ചെയ്തു. നിയമപരമായ എല്ലാ അവകാശവും ഉറപ്പാക്കണമെന്നും ഇന്ത്യന്‍ നയതന്ത്ര ഉദ്യോഗസ്ഥര്‍ക്ക് കുല്ഭൂഷണ് ജാദവിനെ കാണാനുള്ള അവസരം നല്‍കണമെന്നും കോടതി ഉത്തരവിട്ടിരുന്നു.
Latest
ലൈംഗികാതിക്രമക്കേസ്; പ്രജ്വല്‍ രേവണ്ണ ഇന്ന് വിദേശത്ത് നിന്ന് തിരിച്ചെത്തുമെന്ന് സൂചന
എറണാകുളത്ത് നിര്‍മാണം നടക്കുന്ന കാനയിലേക്ക് വാഹനം മറിഞ്ഞ് റിട്ട.അധ്യാപിക മരിച്ചു
സംസ്ഥാനത്ത് സ്വര്‍ണവില ഉയര്‍ന്നു
മല്ലപ്പള്ളിയില്‍ 14കാരനെ കാണാനില്ല ; അന്വേഷണം ആരംഭിച്ച് പോലീസ്
ഓര്‍ഡര്‍ ചെയ്ത ഭക്ഷണം കാറില്‍ എത്തിച്ചുനൽകിയില്ല; ഹോട്ടൽ ഉടമയെ മർദിച്ച് കട തകർത്ത ആറുപേര്‍ക്കെതിരെ കേസ്
സംസ്ഥാനത്ത് ഈ വര്‍ഷം മഞ്ഞപ്പിത്തം സ്ഥിരീകരിച്ചത് 1977 പേര്‍ക്കെന്ന് ആരോഗ്യവകുപ്പിന്റെ കണക്ക്
