International
ആണവ അന്തര്വാഹിനി സാങ്കേതിക വിദ്യ കൈമാറ്റം: കടുത്ത നടപടികളുമായി ഫ്രാന്സ്; രണ്ട് രാജ്യങ്ങളിലെ സ്ഥാനപതിമാരെ തിരികെ വിളിച്ചു
മേഖലയില് ഓസ്ട്രേലിയന് നാവിക ശേഷി വര്ദ്ധിപ്പിക്കുന്നതിന്റെ ഭാഗമായാണ് ആണവ അന്തര്വാഹിനികള് നിര്മ്മിക്കാനുള്ള സാങ്കേതിക വിദ്യ കൈമാറാന് യുഎസും, യുകെയും സമ്മതിച്ചത്
പാരീസ് | വിവിധ രാജ്യങ്ങളിലെ സ്ഥാനപതിമാരെ തിരികെ വിളിച്ച് ഫ്രാന്സ്. അമേരിക്ക, ഓസ്ട്രേലിയ എന്നീ രാജ്യങ്ങളിലെ സ്ഥാനപതിമാരെയാണ് തിരികെ വിളിച്ചത്. സുരക്ഷ കരാറുമായി ബന്ധപ്പെട്ട വിവാദത്തിന് പിറകെയാണ് നടപടി. അപൂര്വ്വമായ നടപടിയാണ് ഇതെന്നും, എന്നാല് അപൂര്വ്വമായ അവസ്ഥയില് ഇത്തരം നടപടികള് അത്യാവശ്യമാണ് എന്നുമാണ് ഫ്രഞ്ച് വിദേശകാര്യ മന്ത്രി ഫ്രാന്സിന്റെ നടപടി പ്രഖ്യാപിച്ച് പറഞ്ഞത്.ഓസ്ട്രേലിയക്ക് ആണവ അന്തര്വാഹിനികള് നിര്മ്മിക്കാനുള്ള സാങ്കേതിക വിദ്യ കൈമാറാനുള്ള പുതുതായി രൂപീകരിച്ച ഓസ്ട്രേലിയ-യുകെ-യുഎസ് സഖ്യത്തിന്റെ (ഓക്കസ്) തീരുമാനത്തില് പ്രതിഷേധിച്ചാണ് ഫ്രാന്സിന്റെ കടുത്ത തീരുമാനം.
ഇന്ത്യ-പസഫിക്ക് മേഖലയില് ചൈനീസ് വളര്ച്ച മുന്നില് കണ്ടാണ് ഓസ്ട്രേലിയ-യുഎസ്-യുകെ സഖ്യം രൂപീകരിച്ചത്. സെപ്തംബര് 15ന് ഓസ്ട്രേലിയന് പ്രധാനമന്ത്രി സ്കോട്ട് മോറീസ്, ബ്രിട്ടീഷ് പ്രധാനമന്ത്രി ബോറീസ് ജോണ്സണ്, യുഎസ് പ്രസിഡന്റ് ജോ ബൈഡന് എന്നിവര് നടത്തിയ വെര്ച്വല് ഉച്ചകോടിയിലാണ് ഈ സഖ്യം പ്രഖ്യാപിക്കപ്പെട്ടത്.മേഖലയില് ഓസ്ട്രേലിയന് നാവിക ശേഷി വര്ദ്ധിപ്പിക്കുന്നതിന്റെ ഭാഗമായാണ് ആണവ അന്തര്വാഹിനികള് നിര്മ്മിക്കാനുള്ള സാങ്കേതിക വിദ്യ കൈമാറാന് യുഎസും, യുകെയും സമ്മതിച്ചത്. എന്നാല് ഈ സാങ്കേതിക കൈമാറ്റം ഫ്രാന്സുമായി ഓസ്ട്രേലിയ ഉണ്ടാക്കിയ ശതകോടികളുടെ ആയുധ കരാറുകളെ ബാധിക്കും എന്നതിനാലാണ് ഫ്രാന്സ് പ്രതിഷേധവുമായി രംഗത്ത് എത്തിയിരിക്കുന്നത്.
Latest
'ഇനി തെറിക്കാനുള്ളത് വമ്പന് സ്രാവിന്റെ കുറ്റി; എസ് പിയുടെ 'പൊന്തൂവലുകള്ക്ക്' ചോരയുടെ മണം'
വിവരാവകാശ നിയമത്തിന്റെ പ്രാധാന്യം വര്ധിച്ചു:കമ്മിഷ്ണര് ഡോ.അബ്ദുല് ഹക്കീം
മണിപ്പൂരില് അതീവ ജാഗ്രത; ഇന്റര്നെറ്റ് സേവനം റദ്ദാക്കി
'കല്യാണ ആവശ്യത്തിന് പണമില്ലാത്തതിനാല് നാടുവിട്ടു'; പ്രതിശ്രുത വരന് വിഷ്ണുജിത്തിനെ ഊട്ടിയില് നിന്നും നാട്ടിലെത്തിച്ചു
2000 ഓണച്ചന്തകള്ക്ക് തുടക്കമായി; പഴം, പച്ചക്കറികള്ക്ക് 30 ശതമാനം വിലക്കുറവെന്ന് മന്ത്രി പി പ്രസാദ്
റോഡിലെ ഓടയുടെ വിടവില് കാല് കുടുങ്ങി വീട്ടമ്മക്ക് പരുക്ക്
