farmers' agitation
കാര്‍ഷിക നിയമങ്ങളില്‍ കേന്ദ്രത്തിനെതിരെ മേഘാലയ ഗവര്‍ണര്‍ വീണ്ടും രംഗത്ത്
കര്‍ഷകരുടെ ആവശ്യങ്ങള്‍ നടപ്പാക്കിയില്ലെങ്കില്‍ ബി ജെ പി ഇനിയും അധികാരത്തില്‍ തിരിച്ചുവരില്ലെന്ന് നേരത്തെ ഇദ്ദേഹം അഭിപ്രായപ്പെട്ടിരുന്നു
ന്യൂഡല്‍ഹി | വിവാദമായ കാര്‍ഷിക നിയമങ്ങളില്‍ കേന്ദ്രത്തിനെതിരെ കടുത്ത വിമര്‍ശനവുമായി മുന്‍ ബി ജെ പി നേതാവും മേഘാലയ ഗവര്‍ണറുമായ സത്യപാല്‍ മാലിക്. രാജ്യത്തെ കര്‍ഷക പ്രക്ഷോഭത്തിനിടെ 600 കര്‍ഷകരെങ്കിലും മരിച്ചെന്ന് അദ്ദേഹം ചൂണ്ടിക്കാട്ടി. ഏതെങ്കിലും ഒരു മൃഗം മരിച്ചാല്‍ പോലും അനുശോചനം രേഖപ്പെടുത്തുന്ന ഡല്‍ഹിയിലെ നേതാക്കള്‍ ഇത്രയും കര്‍ഷകരുടെ ആവശ്യത്തെ ചെവികൊള്ളാന്‍ തയ്യാറായില്ലെന്നും അദ്ദേഹം ചൂണ്ടിക്കാട്ടി.
കാര്‍ഷിക നിയമങ്ങളില്‍ താന്‍ എന്തെങ്കിലും സംസാരിച്ചാല്‍ അത് വിവാദമാവും. ഡല്‍ഹിയില്‍ നിന്നുള്ള വിളിക്കായി താന്‍ കാത്തിരിക്കുകയാണ്. ഒരു ഗവര്‍ണറും സ്ഥാനത്ത് നിന്ന് നീക്കം ചെയ്യപ്പെടാന്‍ പാടില്ല. പക്ഷേ തന്റെ അഭ്യുദയകാംക്ഷികള്‍ താന്‍ എന്തെങ്കിലും പറയാന്‍ വേണ്ടി കാത്തിരിക്കുകയാണ്. സ്ഥാനം രാജിവെക്കാന്‍ ഡല്‍ഹിയില്‍ നിന്നുള്ള ആളുകള്‍ തന്നോട് ആവശ്യപ്പെട്ടാല്‍ അപ്പോള്‍ തന്നെ ഒഴിയാന്‍ തയ്യാറാണെന്നും അദ്ദേഹം കേന്ദ്രത്തിനെതിരെ ഒളിയമ്പെയ്തു.
ബി ജെ പി നേതാവായിരുന്ന സത്യപാല്‍ മാലിക്ക് മുമ്പും കേന്ദ്രത്തിനെതിരെ വിമര്‍ശനവുമായി രംഗത്തെത്തിയിരുന്നു. കര്‍ഷകരുടെ ആവശ്യങ്ങള്‍ നടപ്പാക്കിയില്ലെങ്കില്‍ ബി ജെ പി ഇനിയും അധികാരത്തില്‍ തിരിച്ചുവരില്ലെന്ന് നേരത്തെ ഇദ്ദേഹം അഭിപ്രായപ്പെട്ടിരുന്നു. ഉത്തര്‍പ്രദേശിലെ പല ഗ്രാമങ്ങളിലും ഇപ്പോള്‍ ബി ജെ പി നേതാക്കള്‍ക്ക് പ്രവേശിക്കാന്‍ പോലും കഴിയില്ലെന്നും അദ്ദേഹം അന്ന് ആരോപിച്ചിരുന്നു.
Latest
വയോധികയ്ക്ക് കുത്തിവെപ്പെടുത്ത കേസ്: പ്രതിയുടെ മൊഴിയില്‍ പരസ്പര വൈരുദ്ധ്യം, ചോദ്യം ചെയ്യല്‍ തുടരുന്നു
അമേത്തിയില്‍ കോണ്‍ഗ്രസ്സിനായി റോബര്‍ട്ട് വാദ്രയോ?; പ്രചാരണ ബോര്‍ഡുകള്‍ പ്രത്യക്ഷപ്പെട്ടു
കണ്ണൂരില്‍ വീണ്ടും ബോംബ് ശേഖരം പിടികൂടി
അല്‍ ബദര്‍ അവാര്‍ഡ് മൂന്നാം പതിപ്പ്; ഒക്ടോബര്‍ 15 വരെ എന്‍ട്രി സമര്‍പ്പിക്കാം
തിരഞ്ഞെടുപ്പിന് ഇനി ഒരുനാള്‍ കൂടി മാത്രം; ഇന്ന് കൊട്ടിക്കലാശം
വയനാട് കമ്പമലയില്‍ വീണ്ടും മാവോയിസ്റ്റ് സാന്നിധ്യം; തിരഞ്ഞെടുപ്പ് ബഹിഷ്‌കരിക്കാന്‍ ആവശ്യപ്പെട്ടു
