ചികിത്സാ ചെലവ്; എം ശിവശങ്കറിന് 2,35,967 രൂപ അനുവദിച്ച് സര്‍ക്കാര്‍

തിരുവനന്തപുരം | ലൈഫ് മിഷന്‍ കേസില്‍ അറസ്റ്റിലായി ജാമ്യത്തില്‍ കഴിയുന്ന മുഖ്യമന്ത്രിയുടെ മുന്‍ പ്രിന്‍സിപ്പല്‍ സെക്രട്ടറി എം ശിവശങ്കറിന് ചികിത്സാ ചെലവ് ഇനത്തില്‍ പണം അനുവദിച്ച് സര്‍ക്കാര്‍. 2,35,967 രൂപ അനുവദിച്ചാണ് ഉത്തരവിറക്കിയത്. അറസ്റ്റിലായി ജാമ്യത്തിലിറങ്ങിയ ശേഷം നടത്തിയ ചികിത്സയ്ക്കാണ് തുക.

കഴിഞ്ഞ വര്‍ഷം ആഗസ്റ്റ് 13 മുതല്‍ 17 വരെ തിരുവനന്തപുരത്തെ സ്വകാര്യ ആശുപത്രിയില്‍ നടത്തിയ ചികിത്സയ്ക്കാണ് തുക അനുവദിച്ചത്. നിലവില്‍ സുപ്രീം കോടതിയുടെ ജാമ്യത്തില്‍ കഴിയുന്ന ശിവശങ്കര്‍ മുഖ്യമന്ത്രിക്ക് നല്‍കിയ അപേക്ഷയിലാണ് ഉത്തരവ്.

ആരോഗ്യ കാരണങ്ങള്‍ കണക്കിലെടുത്താണ് ശിവശങ്കറിന് സുപ്രീം കോടതി ജാമ്യം അനുവദിച്ചത്. നേരത്തെ നല്‍കിയ ഇടക്കാല ജാമ്യം കോടതി സ്ഥിരമാക്കുകയായിരുന്നു.