Kerala
സോഷ്യല്‍ മീഡിയയിലൂടെ പരിചയപ്പെട്ട കോഴിക്കോട്ടെ യുവാവില്‍ നിന്ന് തിരുവനന്തപുരം സ്വദേശിനി 20.81 ലക്ഷം രൂപ തട്ടിയെടുത്തു
വിവാഹത്തിന് സന്നദ്ധയാണെന്നു വിശ്വസിപ്പിച്ച ശേഷമാണ് തിരുവനന്തപുരം കഠിനംകുളം സ്വദേശിനി എച്ച് എം ഹൈമ കക്കോടി സ്വദേശിയില്‍ നിന്നു പല ഘട്ടങ്ങളിലായി പണം കൈക്കലാക്കിയതെന്നാണ് പോലീസിന് നല്‍കിയ പരാതിയില്‍ പറയുന്നത്
കോഴിക്കോട് | സാമൂഹിക മാധ്യമത്തിലൂടെ പരിചയപ്പെട്ട കോഴിക്കോട്ടെ യുവാവില്‍ നിന്ന് തിരുവനന്തപുരം സ്വദേശിനി 20.81 ലക്ഷം രൂപ തട്ടിയെടുത്തതായി പരാതി. കക്കോടി സ്വദേശിയായ യുവാവിന്റെ പരാതിയില്‍ തിരുവനന്തപുരം കഠിനംകുളം സ്വദേശിനി എച്ച് എം ഹൈമക്കെതിരെയാണ് കേസെടുത്തത്.
സാമൂഹിക മാധ്യമത്തിലൂടെയാണ് യുവാവ് യുവതിയുമായി പരിചയത്തിലായത്. ഇരുവരും തമ്മില്‍ സൗഹൃദത്തിലായശേഷം വിവാഹത്തിന് സന്നദ്ധയാണെന്നു വിശ്വസിപ്പിച്ച ശേഷമാണ് യുവതി പല ഘട്ടങ്ങളിലായി പണം കൈക്കലാക്കിയതെന്നാണ് പോലീസിന് നല്‍കിയ പരാതിയില്‍ പറയുന്നത്.
വിവിധ ആവശ്യങ്ങള്‍ പറഞ്ഞ് ആകെ 20,81,450 രൂപ യുവതി കൈക്കലാക്കി കഴിഞ്ഞ ശേഷമാണ് യുവതി നേരത്തെ വിവാഹിതയാണെന്ന സൂചന ലഭിക്കുന്നത്. വിവാഹ വാഗ്ദാനത്തില്‍ വിശ്വസിച്ച് വലിയ തുക കൈമാറിയ യുവാവ് തട്ടിപ്പ് മനസ്സിലാക്കിയതോടെ പോലീസിനെ സമീപിക്കുകയായിരുന്നു. പരാതിയുടെ അടിസ്ഥാനത്തില്‍ കേസെടുത്ത പോലീസ് സാമ്പത്തിക ഇടപാടുകള്‍ ഉള്‍പ്പെടെ പരിശോധിച്ച് അന്വേഷണം ആരംഭിച്ചു. സംഭവത്തില്‍ കൂടുതല്‍ വിവരങ്ങള്‍ കണ്ടെത്താനുള്ള ശ്രമത്തിലാണ് പോലീസ്.
Content Highlights: A woman from Thiruvananthapuram was booked for swindling Rs 20.81 lakh from a Kozhikode native. The duo met on social media, where she promised marriage to extort money. Police launched an investigation after the victim discovered she was already married.
Latest
സോഷ്യല്‍ മീഡിയയിലൂടെ പരിചയപ്പെട്ട കോഴിക്കോട്ടെ യുവാവില്‍ നിന്ന് തിരുവനന്തപുരം സ്വദേശിനി 20.81 ലക്ഷം രൂപ തട്ടിയെടുത്തു
തെരഞ്ഞെടുപ്പില്‍ ഇടപെടാന്‍ താന്‍ ഉപയോഗിച്ച ബഹിരാകാശ ലേസറുകള്‍ ഇത്തവണ ഫലിച്ചില്ലെന്ന് തമാശയുമായി എലോണ്‍ മസ്‌ക്
റഷ്യന്‍ ആക്രമണം: ഉക്രൈനില്‍ നാല്‍പത് പേര്‍ കൊല്ലപ്പെട്ടു
വിദ്യാഭ്യാസ മേഖലയിലെ ചെലവുചുരുക്കലിനെതിരെ യൂറോപ്പിലെ പ്രതിഷേധങ്ങളില്‍ പങ്കുചേര്‍ന്ന് ഡാനിഷ് വിദ്യാര്‍ത്ഥികളും
സംസ്ഥാന ആസൂത്രണ ബോര്‍ഡില്‍ രണ്ടു വനിതാ മന്ത്രിമാര്‍
മകളെ പ്രണയിച്ചതിന് മലയാളി യുവാവിനെ കര്‍ണാടകയില്‍ തമിഴ്‌നാട് സ്വദേശി അടിച്ചു കൊന്നു
