International
ലെബനന്‍ അതിര്‍ത്തിയില്‍ നിന്ന് 20,000 താമസക്കാരെ ഒഴിപ്പിക്കും:ഇസ്‌റാഈല്‍
അതിര്‍ത്തിയിലെ ചില പ്രദേശങ്ങള്‍ അടച്ചിട്ട സൈനിക മേഖലകളായി ഇസ്‌റാഈല്‍ ഇതിനകം പ്രഖ്യാപിച്ചിരുന്നു.
ജറുസലേം| കഴിഞ്ഞ ദിവസം ഇസ്‌റാഈല്‍ ലെബനന്‍ അതിര്‍ത്തിയില്‍ നടത്തിയ ഷെല്ലാക്രമണത്തിനുശേഷം വടക്കന്‍ അതിര്‍ത്തിയിലെ വലിയ പട്ടണങ്ങളിലൊന്നായ കിര്യത് ഷ്‌മോനയില്‍ നിന്ന് 20,000ത്തിലധികം താമസക്കാരെ ഒഴിപ്പിക്കുമെന്ന് ഇസ്‌റാഈല്‍. ഇസ്‌റാഈല്‍, ലെബനന്‍ അതിര്‍ത്തിയില്‍ സ്ഥിരമായല്ലെങ്കിലും ഇടക്കിടെ ഏറ്റുമുട്ടലുകള്‍ നടത്താറുണ്ടെന്നാണ് റിപ്പോര്‍ട്ടുകള്‍.
അതിര്‍ത്തിയിലെ ചില പ്രദേശങ്ങള്‍ അടച്ചിട്ട സൈനിക മേഖലകളായി ഇസ്‌റാഈല്‍ ഇതിനകം പ്രഖ്യാപിച്ചിരുന്നു. രണ്ടാഴ്ചയായി തുടരുന്ന ഇസ്‌റാഈല്‍-ഹമാസ് സംഘര്‍ഷത്തിനിടെയാണ് ഇസ്‌റാഈല്‍, ലെബനന്‍ അതിര്‍ത്തിയില്‍ ആക്രമണം നടത്തിയത്.
കഴിഞ്ഞ ദിവസം ഇസ്‌റാഈല്‍ നടത്തിയ ഷെല്ലാക്രമണത്തില്‍ ഒരു മാധ്യമപ്രവര്‍ത്തകന്‍ കൊല്ലപ്പെടുകയും ആറ് മറ്റ് മാധ്യമപ്രവര്‍ത്തകര്‍ക്ക് പരിക്കേല്‍ക്കുകയും ചെയ്തിരുന്നു. അന്താരാഷ്ട്ര വാര്‍ത്താ ഏജന്‍സിയായ റോയിറ്റേഴ്‌സിന്റെ വീഡിയോഗ്രാഫറായ ഇസാം അബ്ദുള്ളയാണ് കൊല്ലപ്പെട്ടത്.
അബ്ദുള്ളയേയും പരിക്കേറ്റ മറ്റ് ആറുപേരേയും ഉടന്‍ തന്നെ ആംബുലന്‍സില്‍ കയറ്റി അടുത്തുള്ള ആശുപത്രിയിലേക്ക് എത്തിച്ചിരുന്നു. സംഭവസ്ഥലത്ത് നിന്ന് കത്തിക്കരിഞ്ഞ കാറുകളുടെ ചിത്രങ്ങള്‍ പുറത്തുവന്നിരുന്നു. ലെബനനില്‍ റോയിറ്റേഴ്‌സിന് വേണ്ടി ലൈവ് വീഡിയോ സിഗ്‌നല്‍ നല്‍കുന്ന സംഘത്തിലെ അംഗമായിരുന്നു കൊല്ലപ്പെട്ട അബ്ദുള്ള. മരണത്തില്‍ റോയിറ്റേഴ്‌സ് അനുശോചനം രേഖപ്പെടുത്തി പ്രസ്താവന പുറത്തിറക്കിയിട്ടുണ്ട്.
Latest
കളങ്കിത കൂട്ടുകെട്ട് പൊതുപ്രവര്‍ത്തകര്‍ക്ക് ഭൂഷണമല്ല; ശോഭ സുരേന്ദ്രനെതിരെ ബിജെപി സംസ്ഥാന വൈസ് പ്രസിഡന്റ്
വൈദ്യുതി ഉപഭോഗം റെക്കോര്‍ഡ് പിന്നിട്ടു; ലോഡ് ഷെഡ്ഡിങ്ങ് ഏര്‍പ്പെടുത്തണമെന്ന് കെ എസ് ഇ ബി
കെ എസ് ആര്‍ ടി സിക്ക് കുറുകെ കാര്‍ നിര്‍ത്തി തടസം സൃഷ്ടിച്ചു; ആര്യ രാജേന്ദ്രനും സച്ചിന്‍ദേവിനുമെതിരെ കേസെടുക്കണമെന്ന് മനുഷ്യാവകാശ കമ്മീഷന് പരാതി
മക്‌ഡോണാള്‍ഡ്‌സില്‍ നിന്ന് ബര്‍ഗര്‍ കഴിച്ചയാള്‍ക്ക് ഭക്ഷ്യവിഷബാധ; പരാതിയില്‍ നടപടി
14കാരിയായ അതിജീവിതയ്ക്ക് ഗര്‍ഭച്ഛിദ്രത്തിന് അനുവാദം നല്‍കിയ ഉത്തരവ് തിരിച്ചുവിളിച്ച് സുപ്രീംകോടതി
പാലക്കാട് ബാന്‍ഡ് മേളത്തിനിടെ ബ്യുഗിള്‍ കലാകാരന്‍ കുഴഞ്ഞു വീണ് മരിച്ചു
