Uae
ദുബൈയില് റമസാനില് പള്ളികള്ക്ക് സമീപം സൗജന്യ പാര്ക്കിങ്
പള്ളികള്ക്കായി പ്രത്യേകം നിശ്ചയിച്ചിട്ടുള്ള 'എം', 'എം പി' എന്നീ അടയാളങ്ങളുള്ള സോണുകളിലാണ് ആരാധകര്ക്കായി ഈ ഇളവ് നല്കുന്നത്.
ദുബൈ | വിശുദ്ധ റമസാന് മാസത്തില് ദുബൈയിലെ പള്ളികള്ക്ക് സമീപമുള്ള പാര്ക്കിങ് സോണുകളില് 24 മണിക്കൂറും സൗജന്യ പാര്ക്കിങ് അനുവദിക്കുമെന്ന് പാര്ക്കിങ് ഓപറേറ്ററായ പാര്ക്കിന് അറിയിച്ചു. പള്ളികള്ക്കായി പ്രത്യേകം നിശ്ചയിച്ചിട്ടുള്ള ‘എം’, ‘എം പി’ എന്നീ അടയാളങ്ങളുള്ള സോണുകളിലാണ് ആരാധകര്ക്കായി ഈ ഇളവ് നല്കുന്നത്. വിശ്വാസികള്ക്ക് പ്രാര്ഥനകള്ക്കായി എളുപ്പത്തില് പള്ളികളില് എത്തുന്നതിനാണ് നടപടി.
അതേസമയം, നഗരത്തിലെ മറ്റ് പെയ്ഡ് പാര്ക്കിങ് സോണുകളുടെ പുതുക്കിയ സമയക്രമവും അധികൃതര് പുറത്തുവിട്ടു. റമസാനില് തിങ്കള് മുതല് ശനി വരെ രണ്ട് ഘട്ടങ്ങളിലായാണ് പാര്ക്കിങ് ഫീസ് ഈടാക്കുക. ആദ്യ ഘട്ടം രാവിലെ എട്ട് മുതല് വൈകിട്ട് ആറ് വരെയും രണ്ടാം ഘട്ടം രാത്രി എട്ട് മുതല് അര്ധരാത്രി 12 വരെയുമാണ്.
വൈകിട്ട് ആറ് മുതല് രാത്രി എട്ട് വരെ എല്ലാ പെയ്ഡ് പാര്ക്കിങ് സോണുകളിലും പാര്ക്കിങ് സൗജന്യമായിരിക്കും. കൂടാതെ ഞായറാഴ്ചകളിലും ഔദ്യോഗിക പൊതു അവധി ദിവസങ്ങളിലും പാര്ക്കിങ് ഫീസ് നല്കേണ്ടതില്ല.
Latest
യുവതിയുടെ ആത്മഹത്യ; യൂത്ത് കോണ്ഗ്രസ്സ് സംസ്ഥാന സെക്രട്ടറി മുഹമ്മദ് സുഹൈല് അന്സാരി കസ്റ്റഡിയില്
പ്രസവ ശസ്ത്രക്രിയക്കിടെ കുഞ്ഞ് മരിച്ച സംഭവം; കുറ്റാരോപിതയായ ഡോക്ടറോട് നിര്ബന്ധിത അവധിയില് പ്രവേശിക്കാന് നിര്ദേശം
പ്രശസ്ത ഹെമറ്റോളജിസ്റ്റ് ഡോ. കെ എ സലിം നിര്യാതനായി
ദുബൈയില് റമസാനില് പള്ളികള്ക്ക് സമീപം സൗജന്യ പാര്ക്കിങ്
ഇനി വ്രതശുദ്ധിയുടെ നാളുകള്; യു എ ഇയില് ഇന്ന് വിശുദ്ധ റമസാന് വ്രതാരംഭം
ജയലക്ഷ്മി സില്ക്സിലെ തീപിടിത്തം; കോടികളുടെ നഷ്ടം സംഭവിച്ചതായി സൂചന
