Connect with us

Business

ട്വിറ്റര്‍ ബോര്‍ഡില്‍ ചേരില്ലെന്ന് എലോണ്‍ മസ്‌ക്

ട്വിറ്ററില്‍ 9 ശതമാനത്തിലധികം ഓഹരികള്‍ വാങ്ങിയതായി മസ്‌ക് അടുത്തിടെ വെളിപ്പെടുത്തിയിരുന്നു.

Published

|

Last Updated

അല്‍ബനി| അടുത്തിടെയാണ് ടെസ്ല സിഇഒ എലോണ്‍ മസ്‌ക് ട്വിറ്ററില്‍ വലിയൊരു ഓഹരി വാങ്ങിയത്. മസ്‌ക് സോഷ്യല്‍ മീഡിയ കമ്പനിയുടെ ബോര്‍ഡില്‍ ചേരില്ലെന്ന് തീരുമാനിച്ചതായാണ് ഇപ്പോള്‍ വരുന്ന വാര്‍ത്തകള്‍. ട്വിറ്റര്‍ സിഇഒ പരാഗ് അഗര്‍വാള്‍ ആണ് ഈ വാര്‍ത്ത ട്വീറ്റ് ചെയ്തത്. എലോണിന്റെ ബോര്‍ഡിലോക്കുള്ള നിയമനം 4/9 എന്ന ഔദ്യോഗിക കണക്കിലായിരുന്നു. എന്നാല്‍ താന്‍ ബോര്‍ഡില്‍ ചേരില്ലെന്ന് എലോണ്‍ അറിയിച്ചിരുന്നതായി അഗര്‍വാള്‍ ട്വീറ്റില്‍ പറഞ്ഞു. ഈ തീരുമാനം ഏറ്റവും മികച്ചതാണെന്നും ഞങ്ങളുടെ ഷെയര്‍ഹോള്‍ഡര്‍മാര്‍ ഞങ്ങളുടെ ബോര്‍ഡില്‍ ഉണ്ടെങ്കിലും ഇല്ലെങ്കിലും അവരില്‍ നിന്നുള്ള ഇന്‍പുട്ട് ഞങ്ങള്‍ക്കുണ്ട്. അവര്‍ എപ്പോഴും വിലമതിക്കും. എലോണ്‍ ഞങ്ങളുടെ ഏറ്റവും വലിയ ഷെയര്‍ഹോള്‍ഡറാണെന്നും അഗര്‍വാര്‍ കൂട്ടിച്ചേര്‍ത്തു.

2024-ല്‍ അവസാനിക്കുന്ന ഒരു കാലയളവിലേക്ക് മസ്‌കിനെ കമ്പനിയുടെ ബോര്‍ഡിലേക്ക് നിയമിക്കാന്‍ പദ്ധതിയിടുന്നതായി ട്വിറ്റര്‍ റെഗുലേറ്ററി ഫയലിംഗില്‍ പറഞ്ഞതിന് ശേഷമാണ് പുതിയ വാര്‍ത്തകള്‍ പുറത്തുവരുന്നത്. ട്വിറ്ററില്‍ 9 ശതമാനത്തിലധികം ഓഹരികള്‍ വാങ്ങിയതായി മസ്‌ക് അടുത്തിടെ വെളിപ്പെടുത്തിയിരുന്നു. ഇത് അദ്ദേഹത്തെ കമ്പനിയുടെ ഏറ്റവും വലിയ ഓഹരി ഉടമയാക്കി.