Kerala
സീറ്റിനെച്ചൊല്ലി തര്ക്കം; പത്തനംതിട്ട ഡിസിസി ജനറല് സെക്രട്ടറി ബാബു ദിവാകരന് രാജിവച്ചു
മണ്ഡലത്തിന് പുറത്തുനിന്നുള്ള ആളെ കോണ്ഗ്രസ് പരിഗണിക്കുന്നു. ഇത് അംഗീകരിക്കില്ല.
പത്തനംതിട്ട|പത്തനംതിട്ട കോണ്ഗ്രസില് പൊട്ടിത്തെറി. അടൂര് സീറ്റില് പരിഗണിച്ചില്ലെന്ന് ആരോപിച്ച് പത്തനംതിട്ട ഡിസിസി ജനറല് സെക്രട്ടറി ബാബു ദിവാകരന് രാജിവച്ചു. പാര്ട്ടി നേതൃത്വത്തിന് രാജിക്കത്ത് കൈമാറിയതായി ബാബു ദിവാകരന് അറിയിച്ചു. കെപിസിസി സാംസ്കാരിക സാഹിതി സംസ്ഥാന ജനറല് സെക്രട്ടറിയാണ് അദ്ദേഹം. ചില ആളുകളുടെ താല്പര്യത്തിന് വേണ്ടി തുടര്ച്ചയായി നാലാം തവണയും അടൂരില് എല്ഡിഎഫിന് തീറെഴുതി കൊടുക്കുന്നുവെന്നാണ് ബാബു ദിവാകരന്റെ ആക്ഷേപം.
താന് ജീവിച്ചിരിക്കുമ്പോള് അത് സമ്മതിക്കില്ല. മണ്ഡലത്തിന് പുറത്തുനിന്നുള്ള ആളെ കോണ്ഗ്രസ് പരിഗണിക്കുന്നു. ഇത് അംഗീകരിക്കില്ല. അടൂര് മണ്ഡലം ജയിക്കാനുള്ള പ്രവര്ത്തനങ്ങളല്ല കോണ്ഗ്രസിന്റെ ഭാഗത്ത് നിന്ന് നടക്കുന്നത്. സ്ഥാനാര്ഥി നിര്ണയത്തിലെ പോരായ്മകളടക്കം മണ്ഡലത്തില് വലിയ തിരിച്ചടിയുണ്ടാക്കും. തനിക്ക് അത്തരത്തിലൊരു വീഴ്ച കണ്ടുകൊണ്ട് നില്ക്കാനാകില്ലെന്നും ബാബു ദിവാകരന് വ്യക്തമാക്കി. അടൂര് നഗരസഭാ മുന് അധ്യക്ഷന് കൂടിയായിരുന്നു ബാബു ദിവാകരന്.
അഡ്വക്കേറ്റ് സി വി ശാന്തകുമാറിനെ അടൂരില് നേതൃത്വം ഏകദേശം ഉറപ്പിച്ചു എന്ന വിവരം വന്നതോടെയാണ് ബാബു ദിവാകരന്റെ രാജി. കോന്നി സ്വദേശിയാണ് ശാന്തകുമാര്. മുന് ബ്ലോക്ക് പഞ്ചായത്ത് അംഗമാണ് അദ്ദേഹം. ബാബു ദിവാകരന് പരസ്യ പ്രതികരണവുമായി രംഗത്തെത്തിയേക്കും.
Latest
തിരുവനന്തപുരം ചാലയില് ഹോട്ടലില് നിന്ന് ഗ്യാസ് സിലിണ്ടര് മോഷ്ടിച്ചു; സിസിടിവി ദൃശ്യങ്ങള് പുറത്ത്
അജ്മാൻ പോലീസ് റമസാൻ കാർണിവൽ; പേരോട് ഉസ്താദ് പങ്കെടുക്കും
വ്യാജമായി പേര് ചേര്ത്തെന്ന് പരാതി; ശ്രീനാദേവി കുഞ്ഞമ്മയുടെ റേഷന് കാര്ഡ് റദ്ദാക്കി
സീറ്റിനെച്ചൊല്ലി തര്ക്കം; പത്തനംതിട്ട ഡിസിസി ജനറല് സെക്രട്ടറി ബാബു ദിവാകരന് രാജിവച്ചു
യുദ്ധം 14ാം നാള്: ഇറാഖില് ഫ്രഞ്ച് സൈനികന് കൊല്ലപ്പെട്ടു,ദുബൈയില് തകര്ത്ത മിസൈലിന്റെ അവശിഷ്ടങ്ങള് പതിച്ച് കെട്ടിടത്തിന് കേടുപാടുകള്, 45 ഡ്രോണുകള് തകര്ത്തതായി സഊദി
ആരോഗ്യമന്ത്രി വീണാ ജോര്ജിനെ വധിക്കാന് ശ്രമിച്ചെന്ന കേസ്; ജാമ്യം ലഭിച്ച കെഎസ്യു പ്രവര്ത്തകര് ഇന്ന് ജയില് മോചിതരാകും
