പഞ്ചാബിനെ എറിഞ്ഞിട്ടു; ഡല്‍ഹിക്ക് ഒമ്പത് വിക്കറ്റ് ജയം

മുംബൈ | ഐ പി എലില്‍ പഞ്ചാബിനെതിരെ അനായാസ ജയം നേടി ഡല്‍ഹി. ഒമ്പത് വിക്കറ്റിന്റെ വന്‍ വിജയമാണ് ഡല്‍ഹി സ്വന്തമാക്കിയത്. ആദ്യം ബാറ്റ് ചെയ്ത പഞ്ചാബ്, ഡല്‍ഹി ബൗളര്‍മാരുടെ മാരക പന്തേറില്‍ ചീട്ടുകൊട്ടാരം പോലെ തകര്‍ന്നു. നിശ്ചിത ഓവറില്‍ പഞ്ചാബിനെ 115 റണ്‍സിലൊതുക്കാന്‍ ഡല്‍ഹിക്ക് കഴിഞ്ഞു. പഞ്ചാബ് നിരയില്‍ 30 കടന്നത് വിക്കറ്റ് കീപ്പര്‍ ജിതേഷ് ശര്‍മ (32) മാത്രമാണ്. ഡല്‍ഹിക്കായി ഖലീല്‍ അഹ്്മദ്, അക്ഷര്‍ പട്ടേല്‍, കുല്‍ദീപ് യാദവ്, ലളിത് യാദവ് എന്നിവര്‍ രണ്ടു വിക്കറ്റ് വീതം കൊയ്തു.

മറുപടി ബാറ്റിംഗിനിറങ്ങിയ ഡല്‍ഹി 10.3 ഓവറില്‍ ഒരു വിക്കറ്റ് നഷ്ടത്തില്‍ ലക്ഷ്യം മറികടന്നു. 57 പന്തുകള്‍ ശേഷിക്കെ 119 റണ്‍സാണ് നേടിയത്. 20 പന്തില്‍ 41 റണ്‍സ് എടുത്ത പൃഥി ഷാ മാത്രമാണ് പുറത്തായത്. ഡേവിഡ് വാര്‍ണറും (60) സര്‍ഫ്രാസ് ഖാനു (12)മാണ് ജയത്തിലേക്ക് നയിച്ച് ക്രീസിലുണ്ടായിരുന്നത്.