Kerala
വയനാട്ടില്‍ ഡി സി സി പ്രസിഡന്റിനും സെക്രട്ടറിക്കും പ്രവര്‍ത്തകരുടെ മര്‍ദനമേറ്റു
കൈയാങ്കളി മുള്ളന്‍കൊല്ലിയിലെ കോണ്‍ഗ്രസ്സിലെ ഭിന്നത പരിഹരിക്കാനെത്തിയപ്പോള്‍
കല്‍പ്പറ്റ | പുല്‍പ്പള്ളി മുള്ളന്‍കൊല്ലിയില്‍ കോണ്‍ഗ്രസ്സ് പ്രവര്‍ത്തകര്‍ തമ്മിലുണ്ടായ കൈയാങ്കളിയില്‍ വയനാട് ഡി സി സി പ്രസിഡന്റ് അപ്പച്ചനും ജനറല്‍ സെക്രട്ടറി ഒ ആര്‍ രഘുവിനും പരുക്കേറ്റു. ഡി സി സി പ്രസിഡന്റ് അപ്പച്ചനെ മര്‍ദ്ദിക്കുന്നത് തടയാന്‍ ശ്രമിക്കുന്നതിനിടെയാണ് തനിക്കും മര്‍ദനമേറ്റതെന്ന് ഒ ആര്‍ രഘു പറഞ്ഞു.
മുള്ളന്‍കൊല്ലി പഞ്ചായത്ത് തിരഞ്ഞെടുപ്പ് മുന്നൊരുക്ക വികസന സെമിനാറിനിടെയാണ് ഒരു വിഭാഗം പ്രവര്‍ത്തകര്‍ ഡി സി സി പ്രസിഡന്റ് എന്‍ ഡി അപ്പച്ചനെയും ജനറല്‍ സെക്രട്ടറി ഒ ആര്‍ രഘുവിനെയും മര്‍ദിച്ചത്. ഡി സി സി പ്രസിഡന്റിന്റെ മുഖത്തും വയറിലും അടിക്കുകയായിരുന്നു. മര്‍ദനമേറ്റ് നിലത്ത് മറിഞ്ഞ് വീണ പ്രസിഡന്റിനെ രക്ഷിക്കാന്‍ ശ്രമിക്കുന്നതിനിടെ സെക്രട്ടറി ഒ ആര്‍ രഘുവിനും മര്‍ദനത്തില്‍ പരുക്കേറ്റു. പ്രദേശത്ത് മണ്ഡലം പ്രസിഡന്റ് സ്ഥാനത്തെ ചൊല്ലി തര്‍ക്കമുണ്ടായിരുന്നു. രഘു മാനന്തവാടി മെഡിക്കല്‍ കോളജില്‍ ചികിത്സയിലാണ്.
നേരത്തേ മുള്ളന്‍കൊല്ലിയിലെ കോണ്‍ഗ്രസ്സിലുണ്ടായ വിഭാഗീയത പരിഹരിക്കാന്‍ വയനാട് ഡി സി സി ഓഫീസില്‍ നടന്ന യോഗത്തിലും തര്‍ക്കം ഉണ്ടായിരുന്നു.
Latest
ബൈക്കിന് തീപ്പിടിച്ച് പൊള്ളലേറ്റ ആള്‍ മരിച്ചു
പഞ്ചായത്ത് അംഗത്തിന്റെപേര് എഴുതിവച്ച് ചായക്കട ഉടമ ജീവനൊടുക്കി
യുട്യൂബ് ചാനലുകള്‍ തന്നെയും കുഞ്ഞിനെയും തേജോവധം ചെയ്യുന്നു: പോക്‌സോ കേസ് അതിജീവത
വണ്‍ ഡ്രോപ്പ് ഫ്യൂച്ചര്‍ ഇന്ത്യ കാമ്പയിന്‍:ദേശീയ ഫണ്ട് സമാഹരണം വിജയിപ്പിക്കാന്‍ മുന്നിട്ടിറങ്ങുക- കേരളം മുസ്ലിം ജമാഅത്ത്
വിംബിള്‍ഡണ്‍ വനിതാ സിംഗിള്‍സില്‍ ഇഗസ്യാം തെക്കിന് കിരീട നേട്ടം; പോരാട്ടം നീണ്ടുനിന്നത് 57 മിനുറ്റ് മാത്രം
സിപിഎം നഗരസഭാ കൗണ്‍സിലര്‍ പോക്‌സോ കേസില്‍ അറസ്റ്റില്‍
