From the print
ഏകപക്ഷീയമായ നാല് ഗോളുകള്‍ക്ക് ബഗാന് ജയം; ബെംഗളൂരു മടങ്ങി
സീസണില്‍ അഞ്ച് മത്സരങ്ങള്‍ മാത്രമാണ് സുനില്‍ ഛേത്രി നയിച്ച ബെംഗളൂരുവിന് ജയിക്കാനായത്.
ബെംഗളൂരു | കനത്ത പരാജയത്തോടെ ഐ എസ് എല്‍ സീസണ്‍ അവസാനിപ്പിച്ച് ബെംഗളൂരു എഫ് സി. സ്വന്തം മൈതാനത്ത് അവസാന മത്സരത്തിനിറങ്ങിയ ബെംഗളൂരുവിനെ ഏകപക്ഷീയമായ നാല് ഗോളുകള്‍ക്ക് മോഹന്‍ ബഗാന് സൂപ്പര്‍ ജയന്റ്സ് തൂത്തെറിഞ്ഞു.
ആദ്യ പകുതിയില്‍ ഹെക്ടര്‍ യുസ്തെയുടെ ഗോളിലാണ് മോഹന്‍ ബഗാന് ലീഡെടുത്തത്. രണ്ടാം പകുതി ആരംഭിച്ച് പത്ത് മിനുട്ടിനുള്ളില്‍ മൂന്ന് ഗോളുകള്‍ കൂടി ബെംഗളൂരു വഴങ്ങി. മന്‍വീര്‍ സിംഗ് (51), അനിരുദ്ധ് ഥാപ്പ (54), അര്‍മാന്‍ഡോ സാദിക്കു (59) എന്നിവരാണ് സ്‌കോര്‍ ചെയ്തത്.
ജയത്തോടെ മുംബൈ സിറ്റി എഫ് സിയുമായി ടേബിള്‍ ടോപ്പറാകാനുള്ള പോരാട്ടത്തില്‍ രണ്ട് പോയിന്റ് മാത്രം വ്യത്യാസത്തിലാണ് മോഹന്‍ ബഗാന്. ഓരോ മത്സരങ്ങള്‍ അവശേഷിക്കെ മുംബൈക്ക് 47ഉം മോഹന്‍ ബഗാന് 45ഉം പോയിന്റുമുണ്ട്.
സീസണില്‍ അഞ്ച് മത്സരങ്ങള്‍ മാത്രമാണ് സുനില്‍ ഛേത്രി നയിച്ച ബെംഗളൂരുവിന് ജയിക്കാനായത്. 22 പോയിന്റോടെ പത്താം സ്ഥാനത്താണ് ഫിനിഷ് ചെയ്തത്. ജംഷഡ്പൂരും ഹൈദരാബാദുമാണ് ബെംഗളൂരുവിന് പിന്നിലുള്ളത്.
Latest
കണ്ണൂര് ചെറുകുന്നില് വാഹനാപകടം; അഞ്ചുപേര് മരിച്ചു
അബൂദബി അന്താരാഷ്ട്ര പുസ്തകമേളക്ക് പ്രദര്ശന നഗരിയില് പ്രൗഢ തുടക്കം
ശൈലജക്കെതിരായ പ്രചാരണം ഷാഫിയുടെ അറിവോടെ; ആരോപണം ആവര്ത്തിച്ച് സി പി എം
എഫ് സി ഗോവയെ രണ്ട് ഗോളിന് തകര്ത്തു; മുംബൈ ഫൈനലില്
പ്രസവത്തെ തുടര്ന്ന് യുവതി മരിച്ച സംഭവം: സ്വമേധയാ കേസെടുത്ത് സംസ്ഥാന ന്യൂനപക്ഷ കമ്മീഷന്
കരുവന്നൂര്: എം എം വര്ഗീസിന് വീണ്ടും ഇ ഡി നോട്ടീസ്; മെയ് ഒന്നിന് ഹാജരാവണം
