National
അഹമ്മദാബാദ് വിമാന അപകടം; ബ്ലാക്ക് ബോക്‌സ് അമേരിക്കയിലേക്ക് അയക്കുമെന്ന് റിപ്പോര്‍ട്ട്
ബ്ലാക് ബോക്‌സിന്റെ ഡിജിറ്റല്‍ ഫ്‌ളൈറ്റ് ഡാറ്റാ റെക്കോര്‍ഡറിനാണ് കേടുപാട് പറ്റിയത്
ന്യൂഡല്‍ഹി | അഹമ്മദാബാദില്‍ അപകടത്തില്‍പ്പെട്ട എയര്‍ ഇന്ത്യാ ബോയിങ് 787-8 ഡ്രീംലൈനര്‍ വിമാനത്തിന്റെ ബ്ലാക്ക് ബോക്‌സിന് തകരാറുള്ളതിനാല്‍ വിവരങ്ങള്‍ വീണ്ടെടുക്കാന്‍ അമേരിക്കയിലേക്ക് അയക്കേണ്ടി വരുമെന്നു സൂചന.
ബ്ലാക് ബോക്‌സിന്റെ ഡിജിറ്റല്‍ ഫ്‌ളൈറ്റ് ഡാറ്റാ റെക്കോര്‍ഡറിനാണ് കേടുപാട് പറ്റിയത്. തകരാറ് സംഭവിച്ച സാഹചര്യത്തില്‍ ഇന്ത്യയിലെ സംവിധാനങ്ങള്‍ വഴി ഡാറ്റ വീണ്ടെടുക്കാന്‍ കഴിയാത്ത സാഹചര്യത്തിലാണ് വിവരങ്ങള്‍ വീണ്ടെടുക്കാനും കൂടുതല്‍ പരിശോധനയ്ക്കും വേണ്ടി ബ്ലാക്ക് ബോക്‌സ് അമേരിക്കയിലേക്ക് അയക്കുന്നതെന്നാണ് റിപ്പോര്‍ട്ട്.
ഇക്കാര്യത്തില്‍ സര്‍ക്കാര്‍ ഉടന്‍ അന്തിമ തീരുമാനം എടുത്തേക്കും. കോക്ക്പിറ്റ് വോയ്സ് റെക്കോര്‍ഡര്‍ (സി വി ആര്‍), ഫ്‌ളൈറ്റ് ഡാറ്റ റെക്കോര്‍ഡര്‍ (എഫ് ഡി ആര്‍) എന്നീ രണ്ട് ഉപകരണങ്ങള്‍ ചേര്‍ന്നതാണ് ബ്ലാക്ക് ബോക്‌സ്. ഡിജിറ്റല്‍ ഫ്‌ളൈറ്റ് ഡാറ്റാ റെക്കോര്‍ഡറിനാണ് തകരാറുണ്ടായത്. തകര്‍ന്ന എയര്‍ ഇന്ത്യ വിമാനത്തില്‍ നിന്ന് കണ്ടെടുത്ത ബ്ലാക്ക് ബോക്‌സ് വാഷിംഗ്ടണിലെ നാഷണല്‍ ട്രാന്‍സ്‌പോര്‍ട്ടേഷന്‍ സേഫ്റ്റി ബോര്‍ഡിലേക്ക് പരിശോധനയ്ക്കായി അയച്ചേക്കുമെന്നാണ് വിവരം. ബ്ലാക്ക് ബോക്‌സ് യുഎസിലേക്ക് അയച്ചാല്‍, എല്ലാ പ്രോട്ടോക്കോളും പാലിച്ചിട്ടുണ്ടെന്ന് ഉറപ്പാക്കാന്‍ ഇന്ത്യന്‍ ഉദ്യോഗസ്ഥരുടെ ഒരു സംഘം ബ്ലാക്ക് ബോക്‌സിനൊപ്പം പോകുമെന്നും ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നു.
Latest
ഇസ്‌റാഈലിലെ ആശുപത്രി ആക്രമിച്ചിട്ടില്ല; ചുറ്റുമുള്ള തന്ത്രപ്രധാന സൈനിക കേന്ദ്രങ്ങള്‍ ആക്രമിച്ചപ്പോൾ ആഘാതമുണ്ടായതാണെന്ന് ഇറാൻ
രാജ്ഭവനെ ആര്‍ എസ് എസ് കേന്ദ്രമാക്കരുത്: വി ഡി സതീശന്‍
ഇറാൻ-ഇസ്റാഈൽ സംഘർഷം: ഇന്ത്യയെ കാത്തിരിക്കുന്നത് ഈ പ്രതിസന്ധികൾ
പാകിസ്താന്‍ സൈനിക മേധാവിയെ ആവോളം പ്രശംസിച്ച് ട്രംപ്; കൂടിക്കാഴ്ച നടത്താന്‍ കഴിഞ്ഞത് ബഹുമതിയെന്ന്
ഇറാനിൽ കുടുങ്ങിയ 600 ഇന്ത്യൻ വിദ്യാർത്ഥികളെ മഷാദിലേക്ക് മാറ്റി; സുരക്ഷ ഉറപ്പാക്കി ഇന്ത്യ
ഇസ്‌റാഈലിന്റെ പ്രതിരോധ സംവിധാനം ഉപയോഗശൂന്യമെന്ന് തെളിഞ്ഞതായി ഇറാന്‍ സൈന്യം
