Kasargod
അബൂദബിയില്‍ താമസ സ്ഥലത്തെ കെട്ടിടത്തില്‍ നിന്ന് വീണ് യുവാവ് മരിച്ചു
വാടക വീട്ടില്‍ കഴിയുന്ന കുടുംബത്തിന് വീട് നിര്‍മിക്കാന്‍ ഒരുങ്ങുന്നതിനിടയിലാണ് ഏക മകന്റെ വിയോഗം.
അബുദബി | കാസര്‍കോട് കുണിയ സ്വദേശിയായ യുവാവ് അബൂദബിയില്‍ താമസ സ്ഥലത്തെ കെട്ടിടത്തിൻ്റെ മുകളില്‍ നിന്ന് വീണുമരിച്ചു. പാണത്തൂര്‍ പള്ളിക്കാൽ സ്വദേശിയും കുണിയയിൽ താമസക്കാരനുമായ അബ്ദുന്നസീര്‍- സുലൈഖ ദമ്പതികളുടെ മകന്‍ മുഹമ്മദ് ശമീം (23) ആണ് മരിച്ചത്. ഇന്നലെ പുലര്‍ച്ചെ മൂന്നരയോടെയാണ് അപകടം.
അബൂദബി നഗരത്തിൽ എയർ പോർട്ട് റോഡിൽ അൽ ഫലാഹ് സ്ട്രീറ്റിന് സമീപത്ത് പ്രവർത്തിക്കുന്ന ഗ്രോസറിയില്‍ ജോലി ചെയ്തുവരുകയായിരുന്നു മുഹമ്മദ് ശമീം. ജോലി കഴിഞ് താമസ സ്ഥലത്ത് എത്തിയ ശേഷമാണ് അപകടം ഉണ്ടായതെന്നാണ് വിവരം. അബൂദബി പോലീസ് അന്വേഷണം നടത്തി വരുന്നുണ്ട്. ഒരു വര്‍ഷം മുമ്പാണ് അവധി കഴിഞ്ഞ് നാട്ടിൽ നിന്ന് തിരികെ വന്നത്.
വാടക വീട്ടില്‍ കഴിയുന്ന കുടുംബത്തിന് വീട് നിര്‍മിക്കാന്‍ ഒരുങ്ങുന്നതിനിടയിലാണ് ഏക മകന്റെ വിയോഗം. സഹോദരി ഫാത്തിമത്ത് ശംന. അബുദബി ബനിയാസ് സെൻട്രൽ മോർച്ചറിയിൽ സൂക്ഷിച്ച മൃതദേഹം നിയമ നടപടികൾ പൂർത്തിയാക്കി നാട്ടിലേക്ക് കൊണ്ടുപോകുമെന്ന് സാമൂഹിക പ്രവർത്തകർ അറിയിച്ചു.
Latest
വോട്ടെടുപ്പിനിടെ ബംഗാളിലെ ബൂത്തിന് സമീപം കല്ലേറ്
മണിപ്പൂരില്‍ പോളിങ് ബൂത്തില്‍ സംഘര്‍ഷം ; പോളിങ് മെഷീനുകള്‍ അക്രമകാരികള്‍ തകര്‍ത്തു.
സജി മഞ്ഞക്കടമ്പില്‍ എന്‍ഡിഎയിലേക്ക്; മറ്റൊരു കേരള കോണ്‍ഗ്രസ് പാര്‍ട്ടി പ്രഖ്യാപനം ഉടന്‍
തിരുവനന്തപുരത്ത് ഏഴ് വയസുകാരനെ മര്‍ദിച്ച സംഭവം; അമ്മ അറസ്റ്റില്‍
തിരഞ്ഞെടുപ്പ് ഡ്യൂട്ടിയിലുണ്ടായിരുന്ന സിആര്‍പിഎഫ് ജവാന്‍ പോളിങ് ബൂത്തിലെ ശൗചാലയത്തില്‍ മരിച്ചനിലയില്‍
വീട്ടിലെ വോട്ടില്‍ കള്ളവോട്ടെന്ന പരാതിയില്‍ കേസെടുത്തു; പോളിംഗ് സംഘത്തിലെ നാല് ഉദ്യോഗസ്ഥര്‍ക്ക് സസ്‌പെന്‍ഷന്‍
