Education
'ഹീല്‍ ദി ഹേര്‍ട്ട്': അത്താണി സന്ദര്‍ശിച്ച് മര്‍കസ് ഐഷോര്‍ വിദ്യാര്‍ഥികള്‍
ക്യാമ്പസ് ലൈഫ് ഫെസ്റ്റിവല്‍ വൈസെലീസിയത്തിന്റെ 'ഹീല്‍ ദി ഹേര്‍ട്ട്' എന്ന പദ്ധതിയുടെ ഭാഗമായാണ് അധ്യാപകര്‍ക്കൊപ്പം വിദ്യാര്‍ഥികള്‍ അത്താണി സന്ദര്‍ശിച്ചത്.
ക്യാമ്പസ് ലൈഫ് ഫെസ്റ്റിവല്‍ വൈസെലീസിയത്തിന്റെ ഭാഗമായി മര്‍കസ് ഐഷോര്‍ വിദ്യാര്‍ഥികള്‍ 'അത്താണി' സന്ദര്‍ശിക്കുന്നു.
കാരന്തൂര്‍ | വിദ്യാര്‍ഥികള്‍ക്കിടയില്‍ സേവനമനസ്‌കതയും സാമൂഹികക്ഷേമ ബോധവും വളര്‍ത്തുകയെന്ന ലക്ഷ്യത്തോടെ നരിക്കുനി കേന്ദ്രമായി പ്രവര്‍ത്തിക്കുന്ന ‘അത്താണി’ സാന്ത്വന ഭവനം സന്ദര്‍ശിച്ച് മര്‍കസ് ഐഷോര്‍ വിദ്യാര്‍ഥികള്‍. ക്യാമ്പസ് ലൈഫ് ഫെസ്റ്റിവല്‍ വൈസെലീസിയത്തിന്റെ ‘ഹീല്‍ ദി ഹേര്‍ട്ട്’ എന്ന പദ്ധതിയുടെ ഭാഗമായാണ് അധ്യാപകര്‍ക്കൊപ്പം വിദ്യാര്‍ഥികള്‍ അത്താണി സന്ദര്‍ശിച്ചത്. ഉപേക്ഷിക്കപ്പെട്ടവര്‍ക്കും കിടപ്പിലായവര്‍ക്കും അവശതയനുഭവിക്കുന്നവര്‍ക്കുമായി 2005 ല്‍ സ്ഥാപിതമായ ഈ സ്ഥാപനം നിരാലംബരായ നിരവധി പേര്‍ക്കാണ് ആശ്വാസമാവുന്നത്.
വിദ്യാര്‍ഥികള്‍ക്കും അധ്യാപകര്‍ക്കും ഹൃദ്യമായ സ്വീകരണമാണ് ജീവനക്കാര്‍ നല്‍കിയത്. വിദ്യാര്‍ഥികള്‍ അന്തേവാസികളുമായി ആശയവിനിമയം നടത്തുകയും പലഹാരങ്ങള്‍ കൈമാറുകയും ചെയ്തു. നശീദയും മൗലിദും പാട്ടുകളും അവതരിപ്പിച്ചു. അത്താണിയുടെ പ്രവര്‍ത്തനത്തെയും ആവശ്യകതയെയും കുറിച്ച് മജീദ് മാസ്റ്റര്‍ സംസാരിച്ചു.
ഐഷോര്‍ അധ്യാപകരായ മൊയ്തീന്‍കുട്ടി സഖാഫി, ജാബിര്‍ സിദ്ദീഖി, സഫ്വാന്‍ നൂറാനി, മുഹമ്മദ് അഹ്സനി, അല്‍ അമീന്‍, സ്റ്റുഡന്‍സ് യൂണിയന്‍ പ്രതിനിധികളായ സ്വാദിഖ് അലി, മുസമ്മില്‍, റിയാന്‍ സന്ദര്‍ശനത്തിന് നേതൃത്വം നല്‍കി.
Latest
13കാരന് ലഹരി നല്‍കി ലൈംഗിക പീഡനം; ബന്ധു അറസ്റ്റില്
വിഴിഞ്ഞത്ത് കാറിടിച്ച് സ്കൂട്ടര് യാത്രികരായ രണ്ട് വിദ്യാര്‍ഥികള്‍ മരിച്ചു
ഖമീസില് ഷോക്കേറ്റ് മരിച്ച മുഹമ്മദലിയുടെ ജനാസ മറവ് ചെയ്തു
കോഴിക്കോട് ആറ് വയസുകാരിക്ക് അമീബിക് മസ്തിഷ്ക ജ്വരം
സ്പിന്നര്മാര് തകര്ത്താടി; ഇന്ത്യക്ക് 147 റണ്സ് വിജയലക്ഷ്യം
സഊദി വ്യവസായ പ്രമുഖന് ശൈഖ് മുഹമ്മദ് സഈദ് മലൈബാരി ജിദ്ദയില് നിര്യാതനായി
