Kerala
ഇറാനില്‍ നിന്ന് 14 മലയാളികള്‍ കൂടി തിരിച്ചെത്തി
ഇന്ന് പുലര്‍ച്ചെ 3.30ന് സംഘം ഡല്‍ഹിയിലിറങ്ങി
ന്യൂഡല്‍ഹി | ഓപറേഷന്‍ സിന്ധുവിന്റെ ഭാഗമായി ഇറാനില്‍ നിന്ന് ഇന്ന് പുലര്‍ച്ചെ 3.30ന് 14 മലയാളികള്‍ ഉള്‍പ്പെടെയുള്ള സംഘം ഡല്‍ഹിയിലെത്തി. യാത്രാ സംഘത്തിലെ 12 പേര്‍ വിദ്യാര്‍ഥികളാണ്. കെര്‍മാന്‍ യൂനിവേഴ്‌സിറ്റി ഓഫ് മെഡിക്കല്‍ സയന്‍സിലെ മെഡിക്കല്‍ വിദ്യാര്‍ഥികളായ മലപ്പുറം പാണ്ടിക്കാട് സ്വദേശി ആശിഫ മുഹമ്മദ് അശ്‌റഫ് കോരോത്ത്, മലപ്പുറം പെരിന്തല്‍മണ്ണ സ്വദേശി മുഫ്‌ലിഹ പടുവന്‍പാടന്‍, കാസര്‍കോട് വിദ്യാനഗര്‍ സ്വദേശി ഫാത്വിമ ഫിദ ഷെറിന്‍, കോഴിക്കോട് കൊയിലാണ്ടി സ്വദേശി ഫാത്വിമ ഹന്ന പാണോളി, മലപ്പുറം കോട്ടക്കല്‍ സ്വദേശി ആഇശ ഫെബിന്‍ മച്ചിന്‍ ചേരിതുമ്പില്‍, മലപ്പുറം കോട്ടക്കല്‍ സ്വദേശി ഫര്‍സാന മച്ചിന്‍ചേരി, കോഴിക്കോട് കൊയിലാണ്ടി സ്വദേശി റെനാ ഫാത്വിമ, കാസര്‍കോട് നായന്മാര്‍മൂല സ്വദേശി നസ്‌റാ ഫാത്വിമ, മലപ്പുറം മഞ്ചേരി സ്വദേശി ജിംഷ വി, കോഴിക്കോട് കാരപറമ്പ് സ്വദേശി സനാ കെ കെ., കോട്ടയം ഈരാറ്റുപേട്ട സ്വദേശി അഫ്‌നാന്‍ ഷെറിന്‍, എറണാകുളം നോര്‍ത്ത് പറവൂര്‍ സ്വദേശി മുഹമ്മദ് ശഹബാസ് എന്നിവര്‍ കൂടിയാണ് ഇറാന്‍- ഇസ്‌റാഈല്‍ സംഘര്‍ഷ സാഹചര്യത്തില്‍ നാട്ടിലെത്തിയത്.
വിവിധ വിമാനങ്ങളിലായി ഇവര്‍ കൊച്ചി, കോഴിക്കോട്, കണ്ണൂര്‍ വിമാനത്താവളങ്ങളിലേക്ക് പുറപ്പെട്ടു. ഇറാനില്‍ ജോലി ചെയ്യുന്ന തുശൂര്‍ സ്വദേശി യൂസഫലി റാഹിം മരയ്ക്കാര്‍ അലിയും പാലക്കാട് സ്വദേശി സന്തോഷ് കുമാറും ഇതേ വിമാനത്തില്‍ ഡല്‍ഹിയിലെത്തി. ഇവരും കേരളത്തിലേക്ക് മടങ്ങി.
Latest
ഇറാനെതിരെ പരസ്യ പ്രസ്താവനകള്‍ വിലക്കി നെതന്യാഹു; ഇസ്‌റാഈല്‍ സുരക്ഷാ ക്യാബിനറ്റ് യോഗം പുലര്‍ച്ചെ വരെ നീണ്ടു
വി എസിനെ കാണാന്‍ ആശുപത്രിയിലെത്തി മുഖ്യമന്ത്രി
ശശി തരൂരുമായി ബന്ധപ്പെട്ട വിഷയം പാര്‍ട്ടി നേതൃത്വമാണ് പറയേണ്ടതെന്ന് സതീശന്‍
വെടിനിര്‍ത്താന്‍ കേണപേക്ഷിച്ച് ഇസ്‌റാഈൽ; ആക്രമണം കടുപ്പിച്ച് ഇറാൻ, തെൽ അവീവിൽ നാശം തുടരുന്നു
മദ്യപിച്ച് സ്കൂൾ ബസ് ഓടിച്ചയാൾ പിടിയിൽ
തിരുവനന്തപുരത്ത് സ്‌കൂള്‍ ബസിന് പിന്നില്‍ കെ എസ് ആര്‍ ടി സി ബസിടിച്ചു
