Kerala
ഫോണ്‍ വാങ്ങിക്കൊടുത്തില്ല; അകത്തു കയറി വാതിലടച്ച 12 കാരന്‍ അബോധാവസ്ഥയിലായി, രക്ഷകരായി പോലീസ്
ചൂണ്ടല്‍ പുതുശേരിയിലെ 12 വയസ്സുകാരനെയാണ് മുറിക്കുള്ളില്‍ നിന്നു കുന്നംകുളം പോലീസ് രക്ഷിച്ചത്
തൃശൂര്‍ | മൊബൈല്‍ ഫോണ്‍ വാങ്ങി നല്‍കാത്തതിനെ തുടര്‍ന്ന് വീട്ടുകാരുമായി പിണങ്ങി മുറിയില്‍ കയറി വാതിലടച്ച 12 കാരന്‍ മുറിയില്‍ കുഴഞ്ഞു വീണ് അബോധാവസ്ഥയിലായി. പോലീസ് എത്തി വാതില്‍ ചവിട്ടിത്തുറന്ന് അപകട നിലയിലായിരുന്ന കുട്ടിയെ ആശുപത്രിയില്‍ പ്രവേശിപ്പിച്ചു.
ചൂണ്ടല്‍ പുതുശേരിയിലെ 12 വയസ്സുകാരനെയാണ് മുറിക്കുള്ളില്‍ നിന്നു കുന്നംകുളം പോലീസ് രക്ഷിച്ചത്. ഫോണ്‍ വാങ്ങി നല്‍കാന്‍ വീട്ടുകാര്‍ വിസമ്മതിച്ചതിനെ തുടര്‍ന്നുണ്ടായ തര്‍ക്കത്തെത്തുടര്‍ന്നു കുട്ടി മുറിക്കുള്ളില്‍ കയറി വാതില്‍ അടച്ചു. വീട്ടുകാര്‍ നിരവധി തവണ വാതില്‍ മുട്ടിവിളിച്ചിട്ടും തുറന്നില്ല. മുറിയില്‍ നിന്നു കുട്ടിയുടെ പ്രതികരണമില്ലാതായതോടെ എന്തോ അപകടം സംഭവിച്ചതായി ഭയന്ന കുട്ടിയുടെ മാതാവ് ഉടനെ പോലീസിന്റെ ഹെല്‍പ്പ് ലൈന്‍ നമ്പറില്‍ വിളിക്കുകയായിരുന്നു.
ഹെല്‍പ്പ് ലൈന്‍ നമ്പറില്‍ നിന്ന് ഉടന്‍തന്നെ കുന്നംകുളം സ്റ്റേഷനിലേക്ക് വിവരം കൈമാറി. നിമിഷങ്ങള്‍ക്കകം ഡ്യൂട്ടിയിലുണ്ടായിരുന്ന കുന്നംകുളം സബ് ഇന്‍സ്‌പെക്ടര്‍ കെ എന്‍ ഹരിഹര സോനു, അസിസ്റ്റന്റ് സബ് ഇന്‍സ്‌പെക്ടര്‍ ജോഷി, സിവില്‍ പോലീസ് ഓഫീസര്‍ അന്‍ഷാദ് എന്നിവരുടെ നേതൃത്വത്തിലുള്ള പോലീസ് സംഘം കുട്ടിയുടെ വീട്ടിലെത്തി.
പോലീസുകാര്‍ വാതില്‍ ചവിട്ടിപ്പൊളിച്ചാണ് കുട്ടിയെ പുറത്തെടുത്തത്. അബോധാവസ്ഥയിലായിരുന്ന കുട്ടിയെ ഉടന്‍തന്നെ പോലീസ് ജീപ്പില്‍ കാണിപ്പയ്യൂരിലെ സ്വകാര്യ ആശുപത്രിയിലെ അത്യാഹിത വിഭാഗത്തില്‍ പ്രവേശിപ്പിച്ചു. കുട്ടി അപകടനില തരണം ചെയ്തതായി ആശുപത്രി അധികൃതര്‍ അറിയിച്ചു.
Latest
ഹിജ്റ അന്വേഷണ പഠന സഞ്ചാരത്തിന്റെ ദൃശ്യാവിഷ്‌കാരം നാളെ കണ്ണൂരില്‍
മഴ ശക്തം: ഒമ്പത് ജില്ലകളില്‍ ഓറഞ്ച് അലര്‍ട്ട്
ഗോവിന്ദച്ചാമി വിയ്യൂർ ജയിലിൽ അതീവ സുരക്ഷയിൽ
സതീശനെ അധിക്ഷേപിച്ച് വെള്ളാപ്പള്ളി നടേശൻ; ആര് വർഗീയത പറഞ്ഞാലും അംഗീകരിക്കില്ലെന്ന് സതീശൻ
ഗസ്സയില്‍ ആക്രമണം കടുപ്പിക്കാന്‍ ഇസ്‌റാഈലിന് ട്രംപിന്റെ നിര്‍ദേശം
ഗോവിന്ദച്ചാമി ജയില്‍ ചാടിയ സംഭവത്തില്‍ സമഗ്ര അന്വേഷണത്തിന് നിര്‍ദേശം നല്‍കി മുഖ്യമന്ത്രി; പുതിയ സെന്‍ട്രല്‍ ജയില്‍ ആരംഭിക്കും
