Covid19
രണ്ടാം ഡോസ് വാക്സീന്; മാര്ഗനിര്ദേശങ്ങള് പുറപ്പെടുവിച്ച് സംസ്ഥാന ആരോഗ്യ വകുപ്പ്
തിരുവനന്തപുരം | സംസ്ഥാനത്ത് കൊവിഡ് രണ്ടാം ഡോസ് വാക്സീന് എടുക്കുന്നതിനുള്ള മാര്ഗനിര്ദേശങ്ങള് ആരോഗ്യ വകുപ്പ് പുറപ്പെടുവിച്ചു. മുന്ഗണനയനുസരിച്ച് എല്ലാവര്ക്കും വാക്സീന് നല്കുമെന്ന് ആരോഗ്യ വകുപ്പ് മന്ത്രി കെ കെ ശൈലജ ടീച്ചര് അറിയിച്ചു.
മാര്ഗനിര്ദേശങ്ങള് ഇങ്ങനെ:
1. വാക്സിനേഷന് സെന്ററുകളില് സെഷന് ഷെഡ്യൂള് ചെയ്യുമ്പോള് രണ്ടാമത്തെ ഡോസ് എടുക്കുന്നവര്ക്ക് മുന്ഗണന നല്കും. അതിനാല് വാക്സിനേഷന് കേന്ദ്രങ്ങളില് വന്ന് തിരക്ക് കൂട്ടേണ്ടതില്ല.
2. രണ്ടാം ഡോസ് കോവിഷീല്ഡ് വാക്സീന് ആറ് മുതല് എട്ട് ആഴ്ചയ്ക്കുള്ളിലും കോവാക്സിന് നാല് മുതല് ആറ് ആഴ്ചയ്ക്കുള്ളിലുമാണ് എടുക്കേണ്ടത്.
3. ഓരോ വാക്സിനേഷന് സെന്ററുകളിലും രണ്ടാമത്തെ ഡോസ് വാക്സീന് എടുക്കുവാന് അര്ഹതയുള്ളവരുടെ ലിസ്റ്റ് കോവിന് പോര്ട്ടലില് ലഭ്യമാകും. ഇതനുസരിച്ച് വാക്സിനേഷന് സെന്ററുകളിലെ മാനേജര്മാര് ആശ പ്രവര്ത്തകരുടെയും തദ്ദേശ ഭരണ സ്ഥാപനങ്ങളുടെയും സഹായത്തോടെ ഇവരെ അറിയിക്കും.
4. രണ്ടാമത്തെ ഡോസ് എടുക്കാനുള്ളവര്ക്ക് മുന്ഗണന നല്കിയതിന് ശേഷം മാത്രമേ ഓണ്ലൈന് ബുക്കിംഗിനായി ആദ്യ ഡോസുകാര്ക്ക് സ്ലോട്ട് അനുവദിക്കുകയുള്ളൂ.
5. സ്പോട്ട് രജിസ്ട്രേഷന് സൗകര്യം ലഭ്യമാക്കുന്നത് വാക്സിനേഷന് കേന്ദ്രങ്ങളില് തിരക്ക് ഉണ്ടാക്കുമെന്നതിനാല് രണ്ടാമത്തെ ഡോസ് എടുക്കാനുള്ളവര്ക്ക് മുന്കൂട്ടി തീയതിയും സമയവും നിശ്ചയിച്ച് അനുവദിക്കുന്നതാണ്. ആ സമയത്ത് മാത്രമേ വാക്സിനേഷനായി കേന്ദ്രത്തില് എത്താന് പാടുള്ളൂ.
6. വാക്സിനേഷന് കേന്ദ്രങ്ങളില് കൊവിഡ് പ്രതിരോധ ശീലങ്ങള് ഉറപ്പാക്കുവാനുള്ള നടപടികള് സ്വീകരിക്കും.
7. മെയ് ഒന്നു മുതല് പുതുക്കിയ കേന്ദ്ര വാക്സിനേഷന് നയം നടപ്പിലാക്കപ്പെടുന്നതിനാല് സ്വകാര്യ ആശുപത്രികളിലെ വാക്സിനേഷന് കേന്ദ്രങ്ങള് വാക്സീന് നിര്മാതാക്കളില് നിന്നും നേരിട്ട് വാക്സിന് വാങ്ങേണ്ടതാണ്.
8. ഇപ്പോള് സ്വകാര്യ കേന്ദ്രങ്ങളില് ലഭ്യമായിട്ടുള്ള വാക്സീന് ഏപ്രില് 30ന് മുമ്പായി വാക്സിനേഷനായി ഉപയോഗിക്കണം.
9. ഇപ്പോള് വാങ്ങിയ വാക്സീന്റെ ബാക്കിയുണ്ടെങ്കില് മെയ് ഒന്നു മുതല് 45 വയസിന് മുകളില് പ്രായമുള്ളവര്ക്ക് മാത്രമായി 250 രൂപ നിരക്കില് നല്കേണ്ടതാണ്.