റിയല്‍ എസ്റ്റേറ്റ് മേഖലയില്‍ വിദേശികള്‍ക്ക് ഉടമസ്ഥാവകാശം

റിയാദ്|റിയൽ എസ്റ്റേറ്റ് മേഖല വികസിപ്പിക്കുന്നതിനും വിദേശ നേരിട്ടുള്ള നിക്ഷേപം പ്രോത്സാഹിപ്പിക്കുന്നതിനും ലക്ഷ്യമിട്ടുള്ള റിയൽ എസ്റ്റേറ്റ് നിയമനിർമ്മാണത്തിന്റെ ഒരു വിപുലീകരണമാണ് പുതുക്കിയ നിയമത്തിന് മന്ത്രിസഭ അംഗീകാരം നൽകിയതായി സഊദി മുനിസിപ്പാലിറ്റി. ഭവന നിർമ്മാണ മന്ത്രിയും റിയൽ എസ്റ്റേറ്റ് ജനറൽ അതോറിറ്റിയുടെ ഡയറക്ടർ ബോർഡ് ചെയർമാനുമായ മജീദ് അൽ-ഹൊഗൈൽ പറഞ്ഞു. റിയൽ എസ്റ്റേറ്റ് രംഗത്ത് സുതാര്യത വർധിപ്പിക്കുന്നതിനും നിക്ഷേപം ഉത്തേജിപ്പിക്കുന്നതിനും കരാർ ശ്രദ്ധകേന്ദ്രീകരിക്കും. ഇത് നിക്ഷേപകരെയും റിയൽ എസ്റ്റേറ്റ് വികസന കമ്പനികളെയും സഊദി വിപണിയിലേക്ക് ആകർഷിക്കുന്നതിലൂടെ റിയൽ എസ്റ്റേറ്റ് മേഖലയുടെ വളർച്ചക്ക് കാരണമാവുകയും ചെയ്യും. വിപണി നിയന്ത്രണം ഉറപ്പാക്കുന്ന സംവിധാനങ്ങൾ നൽകുന്നതിലൂടെയും റിയൽ എസ്റ്റേറ്റ് സന്തുലിതാവസ്ഥ കൈവരിക്കുന്നതിന് ലക്ഷ്യമിട്ടുള്ള നിർദ്ദിഷ്ട നടപടിക്രമങ്ങൾ പാലിക്കുന്നതിലൂടെയും പുതുക്കിയ നിയമം സഊദി പൗരന്മാരുടെ താൽപ്പര്യങ്ങൾ സംരക്ഷിക്കുമെന്നും  മന്ത്രി വ്യകത്മാക്കി.

നിയമം എല്ലാ സാമ്പത്തിക, നിക്ഷേപ വശങ്ങളും കണക്കിലെടുത്ത് പ്രത്യേക ഭൂമിശാസ്ത്രപരമായ പ്രദേശങ്ങളിൽ, പ്രത്യേകിച്ച് റിയാദ്, ജിദ്ദ നഗരങ്ങളിൽ, മക്കയിലും മദീനയിലും ഉടമസ്ഥാവകാശത്തിന് പ്രത്യേക ആവശ്യകതകളോടെ ഉടമസ്ഥാവകാശം അനുവദിക്കുകായും ചെയ്യും. പുതുക്കിയ നിയമമനുസരിച്ച് സഊദികളല്ലാത്തവർക്ക് റിയൽ എസ്റ്റേറ്റ് സ്വന്തമാക്കാനോ മറ്റ് സ്വത്തവകാശങ്ങൾ നേടാനോ കഴിയുന്ന ഭൂമിശാസ്ത്രപരമായ പ്രദേശം നിർദ്ദേശിക്കുന്നതിന് റിയൽ എസ്റ്റേറ്റ് ജനറൽ അതോറിറ്റിക്കാണ്  ചുമതല നൽകിയിരിക്കുന്നത്.

ഔദ്യോഗിക ഉമ്മുൽ-ഖുറ ഗസറ്റിൽ പ്രസിദ്ധീകരിച്ചതിന് ശേഷം 180 ദിവസത്തിനുള്ളിൽ പൊതുജനങ്ങളുടെ കാഴ്ചപ്പാടുകളും നിർദ്ദേശങ്ങളും പബ്ലിക് സർവേ പ്ലാറ്റ്‌ഫോമിൽ നിയമത്തിന്റെ എക്സിക്യൂട്ടീവ് നിയന്ത്രണങ്ങൾ അതോറിറ്റി പ്രസിദ്ധീകരിക്കുകയും ചെയ്യും. പ്രീമിയം റെസിഡൻസി നിയമത്തിലെ വ്യവസ്ഥകൾക്കും ജിസിസി അംഗരാജ്യങ്ങളിലെ  പൗരന്മാർക്ക് താമസ, നിക്ഷേപ ആവശ്യങ്ങൾക്കായി റിയൽ എസ്റ്റേറ്റ് ഉടമസ്ഥാവകാശം നിയന്ത്രിക്കുന്നതിനും റിയൽ എസ്റ്റേറ്റ് സ്വന്തമാക്കാനും മറ്റ് സ്വത്തവകാശങ്ങൾ നേടാനും പ്രത്യേകാവകാശങ്ങൾ നൽകുന്ന മറ്റ് ബാധകമായ നിയമങ്ങൾക്കും അനുസൃതമായാണ് ഈ നിയമം വ്യവസ്ഥ ചെയ്തിരിക്കുന്നത്.   റിയല്‍ എസ്റ്റേറ്റ് മേഖലയിലെ നിയമത്തിന് അംഗീകാരം നൽകിയ വേളയിൽ തിരുഗേഹങ്ങളുടെ സൂക്ഷിപ്പ്കാരനും സഊദി ഭരണാധികാരിയുമായ  സൽമാൻ രാജാവിനും കിരീടാവകാശിയും പ്രധാനമന്ത്രിയുമായ മുഹമ്മദ് ബിൻ സൽമാൻ രാജകുമാരനും മന്ത്രി നന്ദി പറഞ്ഞു.