Connect with us

National

നന്ദിഗ്രാമില്‍ മമതക്കെതിരെ മുന്‍ വിശ്വസ്തന്‍ സുവേന്ദു അധികാരിയെ ഇറക്കി ബി ജെ പി

Published

|

Last Updated

കൊല്‍ക്കത്ത | പശ്ചിമ ബംഗാള്‍ നിയമസഭാ തിരഞ്ഞെടുപ്പില്‍ മുഖ്യമന്ത്രി മമതാ ബാനര്‍ജി മത്സരിക്കുന്ന നന്ദിഗ്രാമില്‍ ബി ജെ പിയുടെ സ്ഥാനാര്‍ഥിയായി മത്സരിക്കുക മുന്‍ വിശ്വസ്തന്‍ സുവേന്ദു അധികാരി. നന്ദിഗ്രാമില്‍ മാത്രമാണ് മമത മത്സരിക്കുന്നത്. അതിനാല്‍ തന്നെ ഇത് ജീവന്മരണ പോരാട്ടമാകും.

ബി ജെ പി പുറത്തുവിട്ട ആദ്യഘട്ട സ്ഥാനാര്‍ഥി പട്ടികയിലാണ് സുവേന്ദു അധികാരി നന്ദിഗ്രാമില്‍ മത്സരിക്കുമെന്നുള്ളത്. 57 സ്ഥാനാര്‍ഥികളുടെ പട്ടികയാണ് ബി ജെ പി പുറത്തുവിട്ടത്. നന്ദിഗ്രാം ഉള്‍പ്പെടുന്ന മേഖല സുവേന്ദു അധികാരിക്ക് സ്വാധീനമുള്ളതായാണ് കണക്കപ്പെടുന്നത്.

നന്ദിഗ്രാമില്‍ മത്സരിക്കുന്ന കാര്യം കഴിഞ്ഞ ദിവസമാണ് മമത പ്രഖ്യാപിച്ചത്. ഇതുവരെ മത്സരിച്ചിരുന്ന കൊല്‍ക്കത്തയിലെ ഭുവാനിപോര്‍ ഒഴിവാക്കിയാണ് മമത ഇവിടെ ഏറ്റുമുട്ടാനെത്തുന്നത്. ഏതാനും ആഴ്ചകള്‍ക്ക് മുമ്പാണ് തൃണമൂല്‍ കോണ്‍ഗ്രസിലെ രണ്ടാമനായിരുന്ന സുവേന്ദു ബി ജെ പിയിലേക്ക് പോയത്.

Latest