സമ്പൂര്‍ണ ലോക്ഡൗണ്‍ പരിഗണിക്കേണ്ടി വരും: മുഖ്യമന്ത്രി

തിരുവനന്തപുരം | സംസ്ഥാനത്ത് കൊവിഡ് രോഗികളുടെ എണ്ണം കുതിച്ചുയരുന്ന സാഹചര്യത്തില്‍ സമ്പൂര്‍ണ ലോക്ഡൗണ്‍ ഏര്‍പെടുത്തണമെന്ന നിര്‍ദേശം ഗൗരവമായി പരിഗണിക്കേണ്ടി വരുമെന്ന് മുഖ്യമന്ത്രി പിണറായി വിജയന്‍. വിദഗ്ധരടക്കം ഇൗ നിര്‍ദേശം മുന്നോട്ടുവെക്കുന്നുണ്ട്. ഇക്കാര്യത്തില്‍ ഇപ്പോള്‍ തീരുമാനം എടുത്തിട്ടില്ല. എന്നാല്‍ ഇത് പരിഗണിക്കേണ്ടി വരുമെന്നാണ് തോന്നുന്നതെന്നും മുഖ്യമന്ത്രി വ്യക്തമാക്കി.

എന്‍ട്രന്‍സ് പരീക്ഷ കഴിഞ്ഞ് കുട്ടികള്‍ ഒന്നിച്ച് പുറത്തിറങ്ങിയതിന്റെ ഫലമായി തിക്കും തിരക്കും ഉണ്ടാക്കിയതിന്റെ ഉത്തരവാദിത്വം വിദ്യാര്‍ഥികള്‍ക്കല്ല. അത്തരമൊരു സാഹചര്യം മുന്നില്‍കണ്ട് നിയന്ത്രണങ്ങള്‍ ഏര്‍പ്പെടുത്തേണ്ടതായിരുന്നു. അതിലാണ് വീഴ്ച സംഭവിച്ചതെന്നും മുഖ്യമന്ത്രി വ്യക്തമാക്കി.