Covid19
രാജ്യത്ത് 24 മണിക്കൂറിനിടെ മരിച്ചത് 47 പേര്; കൊവിഡ് രോഗികളുടെ എണ്ണം 26917 ആയി
ന്യൂഡല്ഹി | കൊവിഡ് 19 മഹാമാരിയില് രാജ്യത്ത് 24 മണിക്കൂറിനിടെ 47 പേര്കൂടി മരിച്ചു. 1975 പേര്ക്ക് പുതുതായി രോഗം സ്ഥിരീകരിച്ചു. ഇതോടെ രാജ്യത്തെ മൊത്തം രോഗികളുടെ എണ്ണം 26917 ആയി. ഇതില് 5914 പേര് രോഗമുക്തി നേടി ആശുപത്രി വിട്ടിട്ടുണ്ട്. മരണസംഖ്യ 826 ആയി ഉയര്ന്നു
മഹാരാഷ്ട്രയില് രോഗബാധിതര് 7628 ആയി. 323 പേരാണ് സംസ്ഥാനത്ത് ഇതുവരെ മരിച്ചത്. ഏറ്റവും കൂടുതല് രോഗബാധിതരുള്ളതും മരണങ്ങള് നടന്നതും മഹാരാഷ്ട്രയിലാണ്.
ഗുജറാത്തില് കൊവിഡ് മരണം 133 ആണ്. 3071 പേര്ക്കാണ് രോഗം സ്ഥിരീകരിച്ചത്. മധ്യപ്രദേശില് 99 പേര് മരിച്ചു. 2096 പേര്ക്ക് രോഗവും റിപ്പോര്ട്ട് ചെയ്തിട്ടുണ്ട്.
ഡല്ഹിയില് രോഗം സ്ഥിരീകരിച്ചവരില് 19 പേര് നഴ്സിങ് സ്റ്റാഫുകളാണ്. 2625 പേര്ക്കാണ് ഡല്ഹിയില് ഇതുവരെ രോഗം ബാധിച്ചിട്ടുള്ളത്. 54 പേര് മരിച്ചു
കേരളത്തില് ഇന്ന് 11 പേര്ക്കാണ് രോഗം സ്ഥിരീകരിച്ചത്. ഇതോടെ സംസ്ഥാനത്ത് രോഗം പിടിപ്പെട്ടവര് 468 ആയി. നാല് പേര് ഇന്ന് രോഗമുക്തരായിട്ടുണ്ട്. ഇതോടെ നിലവില് രോഗികളായി 123 പേരാണ് വിവിധ ആശുപത്രികളില് തുടരുന്നത്.