Connect with us

Covid19

ക്വാറന്റൈനില്‍ പ്രവേശിക്കാതെ പത്രസമ്മേളനത്തില്‍; കൊവിഡ് സ്ഥിരീകരിച്ച മാധ്യമപ്രവര്‍ത്തകനെതിരെ കേസ്

Published

|

Last Updated

ഭോപ്പാല്‍  |മധ്യപ്രദേശ് മുന്‍ മുഖ്യന്ത്രി കമല്‍നാഥിന്റെ പത്രസമ്മേളനത്തില്‍ പങ്കെടുത്ത കൊവിഡ് സ്ഥിരീകരിച്ച മാധ്യമപ്രവര്‍ത്തകനെതിരെ കേസെടുത്തു. ഇയാളുടെ മകള്‍ യുകെയില്‍ നിന്ന് മടങ്ങിയെത്തിയിരുന്നു. എന്നാല്‍ ഇയാള്‍ ക്വാറന്റൈനില്‍ പ്രവേശിക്കാതെയാണ് പത്രസമ്മേളനത്തില്‍ പങ്കെടുത്തത്. കൊവിഡിനെ നേരിടാനുള്ള പ്രതിരോധ നിര്‍ദേശങ്ങള്‍ പാലിക്കാത്തതിനാണ് മാധ്യമപ്രവര്‍ത്തകനെതിരെ കേസെടുത്തിരിക്കുന്നത്.

മാര്‍ച്ച് 20ന് രാജി പ്രഖ്യാപിക്കുന്നതിനായി കമല്‍നാഥ് വിളിച്ചുചേര്‍ത്ത പത്രസമ്മേളനത്തിലാണ് ഇയാള്‍ പങ്കെടുത്തത്. ഇതിന് രണ്ടു ദിവസം മുമ്പാണ് മാധ്യമപ്രവര്‍ത്തകന്റെ മകള്‍ ബ്രിട്ടനില്‍നിന്നും എത്തിയത്.
ഇയാള്‍ക്കും മകള്‍ക്കും പിന്നീട് കൊവിഡ് രോഗം സ്ഥിരീകരിക്കുകയുണ്ടായി. യുകെയില്‍ ബിരുദാനന്തര നിയമ വിദ്യാര്‍ഥിയാണ് പത്രപ്രവര്‍ത്തകന്റെ മകള്‍. ലണ്ടിനില്‍ നിന്ന് മാര്‍ച്ച് 18നാണ് അവര്‍ ഭോപ്പാലിലെത്തിയത്.

Latest