Kozhikode
വടകര മലയില് മഖാം മിഅറാജ് നേര്ച്ച നിയന്ത്രിത ചടങ്ങുകളോടെ 22ന് നടക്കും
കോഴിക്കോട് | കൊറോണ വൈറസ് ബാധ വ്യാപകമാകുന്ന സാഹചര്യത്തില് വടകര മമ്മദ്ഹാജി തങ്ങളുടെ ചെറുവണ്ണൂര് മലയില് മഖാമില് വര്ഷം തോറും നടത്തി വരുന്ന മിഅറാജ് നേര്ച്ച മൗലിദ് പാരായണത്തോടെ ചടങ്ങുകള് മാത്രമായി ഈ മാസം 22ന് (റജബ് 26) നടത്താന് തീരുമാനിച്ചു. നാളെ മുതല് ഈ മാസം 22 വരെ നടത്താന് തീരുമാനിച്ചിരുന്ന നേര്ച്ചയാണ് പ്രത്യേക സാഹചര്യത്തില് ഈ മാസം 22ന് നിയന്ത്രിത ചടങ്ങുകളോടെ നടത്താന് തീരുമാനിച്ചിരിക്കുന്നത്.
കൊറോണ വൈറസ് ബാധ വ്യാപനത്തിനെതിരായ പ്രതിരോധ നടപടികളുടെ ഭാഗമായി പൊതുപരിപാടികള് മാറ്റിവെക്കാന് സര്ക്കാര് നിര്ദേശം നല്കിയ പശ്ചാത്തലത്തിലാണ് കൂടുതല് ആളുകളെ പങ്കെടുപ്പിക്കാതെ ചുരുക്കി നടത്താന് തീരുമാനിച്ചിരിക്കുന്നത്.
ഭക്ഷണ വിതരണമുള്പ്പെടെ മറ്റെല്ലാ പരിപാടികളും നിര്ത്തിവെച്ചതായും വലിയുല്ലാഹി വടകര മുഹമ്മദ് ഹാജി തങ്ങള് ദര്ഗാ ഷെരീഫ് ട്രസ്റ്റ് ഭാരവാഹികള് അറിയിച്ചു.
---- facebook comment plugin here -----