Kerala
തിരുവഞ്ചൂരിനെതിരെ പ്രമേയം: കെ എസ് യു സമ്മേളനത്തില്‍ സംഘര്‍ഷം
കൊല്ലം: രാഷ്ട്രീയപ്രമേയത്തില്‍ ആഭ്യന്തരമന്ത്രിക്കെതിരായ വിമര്‍ശം ഉള്‍പ്പെടുത്തണമെന്ന് ആവശ്യപ്പെട്ട് സമ്മേളന പ്രതിനിധികളില്‍ ഒരു വിഭാഗം രംഗത്തു- വന്നത് കെ എസ് യു സംസ്ഥാന സമ്മേളന വേദിയെ സംഘര്‍ഷഭരിതമാക്കി. പ്രതിനിധികളില്‍ ഒരു വിഭാഗം സമ്മേളന വേദിയിലേക്ക് ചാടിക്കയറി ബഹളം വെക്കുകയായിരുന്നു. ഒടുവില്‍ നേതാക്കള്‍ ഇടപെട്ടാണ് രംഗം ശാന്തമാക്കിയത്.
കേരള പോലീസില്‍ നിന്ന് കെ എസ് യുവിന് സംരക്ഷണമോ നീതിയോ ലഭിക്കുന്നില്ലെന്ന് പ്രതിനിധി സമ്മേളനത്തില്‍ വിമര്‍ശമുയര്‍ന്നിരുന്നു. പല ഭാഗത്തും പ്രവര്‍ത്തകര്‍ ക്രൂരമായി പീഡിപ്പിക്കപ്പെടുകയാണെന്നും ഡി വൈ എഫ് ഐ, എസ് എഫ് ഐ പ്രവര്‍ത്തകര്‍ പോലീസിന്റെ സാന്നിധ്യത്തില്‍ കെ എസ് യു പ്രവര്‍ത്തകരെ ആക്രമിക്കുന്നത് പതിവായിരിക്കുകയാണെന്നും ഉള്‍പ്പെടെ ആഭ്യന്തര മന്ത്രിക്കും വകുപ്പിനും എതിരെ കെ എസ് യു രൂക്ഷമായ വിമര്‍ശമാണ് നടത്തിയത്. രാഷ്ട്രീയ പ്രമേയത്തില്‍ ഇക്കാര്യങ്ങള്‍ കൂടി ഉള്‍പ്പെടുത്തണമെന്നായിരുന്നു പ്രതിനിധികളുടെ ആവശ്യം. കെ സുധാകരന്‍ എം പി സമ്മേളന ഹാളിലെത്തിയപ്പോള്‍ ഒരു വിഭാഗം മുദ്രാവാക്യം വിളിച്ചതും വാക്കേറ്റത്തിന് കാരണമായി. കോണ്‍ഗ്രസിലെ ഗ്രൂപ്പ് ചേരിതിരിവുകള്‍ കെ എസ് യുവിലും ശക്തമാണെന്നതിലേക്കണ് സമ്മേളനത്തിലെ സംഭവ വികാസങ്ങള്‍ വിരല്‍ ചൂണ്ടുന്നത്.
Latest
ക്ഷേമപെന്‍ഷനുകള്‍ അവകാശമല്ലെന്ന സര്‍ക്കാര്‍ നിലപാടിനെതിരെ സംസ്ഥാന ഭിന്നശേഷി കമ്മിഷണര്‍
പക്ഷിപ്പനി; പഞ്ചായത്ത് തല സമിതികള്‍ കൂടി മേല്‍നടപടികള്‍ സ്വീകരിക്കും: മന്ത്രി വീണ ജോര്‍ജ്
സൗമ്യ വിശ്വനാഥന്‍ കൊലക്കേസ്; പ്രതികള്‍ക്ക് ജാമ്യം നല്‍കിയതിനെതിരെ മാതാവ് സുപ്രീംകോടതിയില്‍
വോട്ടിംഗ് മെഷീനുകള്‍ക്ക് തകരാറുണ്ടെന്ന് വ്യാജവാര്‍ത്ത; ഓണ്‍ലൈന്‍ ചാനലിനെതിരെ കേസ്
മോര്‍ഫ് ചെയ്ത വീഡിയോ ഉണ്ടെന്ന് പറഞ്ഞിട്ടില്ല,പറഞ്ഞത് പോസ്റ്റർ പ്രചരിക്കുന്നുവെന്ന്; കെകെ ശൈലജ
മണിപ്പൂരിലെ പോളിങ് ബൂത്തിലുണ്ടായ വെടിവെപ്പില്‍ മൂന്ന് പേര്‍ അറസ്റ്റില്‍
