വാട്‌സ്ആപ്പിൽ പുതിയ പ്രീമിയം പ്ലാൻ; പണമടച്ച് സബ്സ്ക്രൈബ് ചെയ്താൽ കൂടുതൽ ഫീച്ചറുകൾ

വാഷിംഗ്ടൺ | പ്രമുഖ സന്ദേശമയക്കൽ പ്ലാറ്റ്‌ഫോമായ വാട്‌സ്ആപ്പ് തങ്ങളുടെ സേവനങ്ങൾ വിപുലീകരിക്കുന്നതിന്റെ ഭാഗമായി സബ്‌സ്‌ക്രിപ്‌ഷൻ അടിസ്ഥാനമാക്കിയുള്ള പ്രീമിയം പ്ലാൻ അവതരിപ്പിക്കാൻ ഒരുങ്ങുന്നു. ബിസിനസ് ആവശ്യങ്ങൾക്കും കൂടുതൽ മെച്ചപ്പെട്ട ഫീച്ചറുകൾ ആഗ്രഹിക്കുന്ന വ്യക്തികൾക്കുമായിട്ടാണ് പുതിയ മാറ്റങ്ങൾ. നിലവിൽ മെറ്റയുടെ മറ്റ് പ്ലാറ്റ്‌ഫോമുകളായ ഇൻസ്റ്റാഗ്രാമിലും ഫേസ്ബുക്കിലും പെയ്ഡ് വെരിഫിക്കേഷൻ സംവിധാനമുണ്ട്. ഇതിന് സമാനമായ രീതിയിലായിരിക്കും വാട്‌സ്ആപ്പിലെയും മാറ്റങ്ങൾ.

പ്രീമിയം പ്ലാൻ സ്വീകരിക്കുന്നവർക്ക് മികച്ച സുരക്ഷാ സംവിധാനങ്ങളും കൂടുതൽ ഉപകരണങ്ങളിൽ ഒരേസമയം അക്കൗണ്ട് ഉപയോഗിക്കാനുള്ള സൗകര്യവും ലഭിക്കും. ലിങ്ക് ചെയ്യാവുന്ന ഉപകരണങ്ങളുടെ എണ്ണം വർധിപ്പിക്കുന്നത് ചെറുകിട ബിസിനസുകാർക്ക് ഏറെ സഹായകരമാകും. കൂടാതെ തങ്ങളുടെ ബിസിനസ് പേജുകൾക്കായി കസ്റ്റം ലിങ്കുകൾ നിർമ്മിക്കാനുള്ള സൗകര്യവും ഇതിലൂടെ ലഭ്യമാകും.

നിലവിൽ സാധാരണ ഉപയോക്താക്കൾ ഉപയോഗിക്കുന്ന എല്ലാ സേവനങ്ങളും സൗജന്യമായി തന്നെ തുടരും. എന്നാൽ പ്രത്യേക ഫീച്ചറുകൾ ആവശ്യമുള്ളവർക്ക് മാത്രം പണം നൽകി പ്രീമിയം പ്ലാനിലേക്ക് മാറാം.

വരും മാസങ്ങളിൽ തന്നെ ഈ പുതിയ സേവനം ആഗോളതലത്തിൽ ലഭ്യമാകുമെന്നാണ് റിപ്പോർട്ടുകൾ സൂചിപ്പിക്കുന്നത്.

Sammary

WhatsApp is preparing to launch a subscription-based ‘WhatsApp Plus’ premium plan aimed at providing advanced features for business and professional users. The plan is expected to include multi-device support for up to 10 devices and custom business links, while regular users can continue using standard features for free. This move follows similar subscription models introduced by Meta on Instagram and Facebook.