bear attack
കരടിയുടെ ആക്രമണത്തില്‍ ആദിവാസി യുവാവിന് പരിക്ക്
തേന്‍ ശേഖരിക്കാന്‍ പോകുന്നതിനിടെയായിരുന്നു കരടി ആക്രമിച്ചത്
കരടി
നിലമ്പൂര്‍ | കരടിയുടെ ആക്രമണത്തില്‍ ആദിവാസി യുവാവിന് പരിക്ക്. ചാലിയാര്‍ പഞ്ചായത്തിലെ പാലക്കയം കാട്ടുനായ്ക്ക കോളനിയിലെ വിജയന്റെ മകന്‍ അഖിലിനാണ് (25) പരിക്കേറ്റത്. തേന്‍ ശേഖരിക്കാന്‍ പോകുന്നതിനിടെയായിരുന്നു കരടി ആക്രമിച്ചത്.
ഇയാളെ നിലമ്പൂര്‍ ജില്ല ആശുപത്രിയില്‍ പ്രവേശിപ്പിച്ചു. കൂട്ടുകാരായ ഏഴുപേര്‍ക്കൊപ്പം പോകവെ, പ്ലാക്കല്‍ ചോലക്ക് മുകളില്‍ കാഞ്ഞിരപ്പുഴയുടെ ഭാഗത്തെ പന്തീരായിരം ഉള്‍വനത്തിലാണ് സംഭവം. സംഘം കരടിക്ക് മുന്നില്‍ പെടുകയായിരുന്നു. വീണുകിടന്ന മരത്തിനിടയില്‍ പതുങ്ങിയിരുന്ന കരടി മുന്നിലേക്ക് ചാടുകയായിരുന്നു.
എല്ലാവരും മരത്തില്‍ കയറി രക്ഷപ്പെടാന്‍ ശ്രമിച്ചു. മരത്തില്‍ കയറുന്നതിനിടെ അഖിലിന്റെ കാലില്‍ കരടി കടിക്കുകയായിരുന്നു. മരത്തില്‍ കയറി രക്ഷപ്പെട്ടതിനാല്‍ കൂടുതല്‍ ആക്രമണത്തില്‍നിന്ന് രക്ഷപ്പെട്ടതായി അഖില്‍ പറഞ്ഞു. നടക്കാന്‍ കഴിയാതെവന്നതോടെ കൂടെയുണ്ടായിരുന്നവര്‍ ചുമലിലേറ്റിയാണ് അഖിലിനെ കാട്ടിലൂടെ ആഢ്യന്‍പാറ ചെക്ക്ഡാമിന് സമീപം എത്തിച്ചത്. ഇവിടെനിന്ന് വാഹനത്തില്‍ നിലമ്പൂര്‍ ജില്ല ആശുപത്രിയില്‍ എത്തിച്ചു.
Latest
ഇടതുമുന്നണിയില്‍ ഹാപ്പിയാണ്; മുന്നണി മാറേണ്ട സാഹചര്യമില്ല: ജോസ് കെ മാണി
മുഹര്‍റം പിറന്നു; ആശുറാഅ് ഞായറാഴ്ച
കനത്ത മഴയില്‍ ജലനിരപ്പുയര്‍ന്നു; മലമ്പുഴ, ബാണാസുര ഡാമുകള്‍ തുറന്നു
ഭരണഘടനയുടെ ആമുഖത്തില്‍ നിന്നും സോഷ്യലിസ്റ്റ്, മതേതരത്വം എന്നീ പദങ്ങള്‍ നീക്കണം; ആവശ്യവുമായി ആര്‍എസ്എസ്
നിലമ്പൂര്‍ വിജയത്തിലെ ക്രെഡിറ്റ് തര്‍ക്കത്തില്‍ ഇടപെട്ട് ഹൈക്കമാന്‍ഡ്; നേതാക്കളുമായി ചര്‍ച്ച നടത്തി
ഡ്യൂട്ടി സമയത്ത് ഉറങ്ങി; മൂന്ന് പോലീസ് ഉദ്യോഗസ്ഥര്‍ക്ക് സസ്‌പെന്‍ഷന്‍
