ബദാം പാൽ കുടിക്കുന്നതിന്റെ ആരോഗ്യഗുണങ്ങൾ ഏറെയാണ്!

വിറ്റാമിൻ ഇ,കാൽസ്യം, വിറ്റാമിൻ ഡി എന്നിവയുടെ നല്ല ഉറവിടമാണ് ബദാംപാൽ എന്ന കാര്യം നമുക്കറിയാം. ഇതുകൂടാതെ എന്തൊക്കെയാണ് ബദാംപാൽ കുടിക്കുന്നത് കൊണ്ടുള്ള ആരോഗ്യ ഗുണങ്ങൾ എന്ന് നോക്കാം.ബദാം പാൽ വിറ്റാമിൻ ഇ യുടെ സമ്പന്നമായ ഉറവിടമാണ്. കോശങ്ങളെ കേടുപാടുകളിൽ നിന്ന് സംരക്ഷിക്കാൻ സഹായിക്കുന്ന ശക്തമായ ആന്റിഓക്സിഡന്റ് ആണിത്. കൂടാതെ ചർമ്മത്തിന്റെ ആരോഗ്യത്തിനും രോഗപ്രതിരോധശേഷിയും ഇത് വർധിപ്പിക്കും

• ബദാം പാലിലെ മോണോ സാച്ചുറേറ്റഡ് ഫാറ്റി ആസിഡുകൾ കൊളസ്ട്രോൾ കുറയ്ക്കാൻ സഹായിക്കും. അതുവഴി ഹൃദ്രോഗസാധ്യതയും കുറയും.
• ബലമുള്ള അസ്ഥികൾ നിലനിർത്തുന്നതിന് ആവശ്യമായ പോഷകങ്ങളായ കാൽസ്യം വിറ്റാമിൻ ബി എന്നിവ ഫോർട്ടിഫൈഡ് ബദാംപാലിൽ അടങ്ങിയിട്ടുണ്ട്.
• പശുവിൻ പാലിനെ അപേക്ഷിച്ച് ബദാം പാലിൽ സാധാരണയായി കലോറിയും കാർബോഹൈഡ്രേറ്റും കുറവാണ്. ഇത് ശരീരഭാരം നിയന്ത്രിക്കുന്നതിനും സഹായിക്കും. മാത്രമല്ല ഇത് സ്വാഭാവികമായും ലാക്ടോസ് രഹിതമാണ്. അതിനാൽ ലാക്ടോസ് അസഹിഷ്ണുത ഉള്ളവർക്ക് അനുയോജ്യമായ ഒരു ബദലാണ് ബദാം പാൽ
• മധുരമില്ലാത്ത ബദാം പാൽ രക്തത്തിലെ പഞ്ചസാരയുടെ അളവ് കാര്യമായി വർദ്ധിപ്പിക്കുന്നില്ല.അതിനാൽ പ്രമേഹമുള്ളവർക്കും ഇത് നല്ലൊരു ഓപ്ഷൻ ആണ്.

ബദാംപൽ വിവിധ പോഷകങ്ങൾ കൊണ്ട് സമ്പുഷ്ടമാണെന്ന കാര്യം മനസ്സിലായല്ലോ. സാധാരണ പാലിന് പകരം ബദാംപാൽ ഉപയോഗിച്ചാൽ ഗുണങ്ങൾ ഏറെയാണ്.