33 ദിവസത്തിനിടെ 392 കോടിയോളം രൂപ; ഓണക്കച്ചവടം പൊടിപൊടിച്ച് സപ്ലൈകോ

തിരുവനന്തപുരം |  കഴിഞ്ഞ 33 ദിവസത്തിനിടെ സപ്ലൈകോയുടെ വിറ്റുവരവ് 391.75 കോടി രൂപ. ഇന്ന് ഉച്ചവരെയുള്ള കണക്കാണിത്. ആഗസ്റ്റ് ഒന്നു മുതലുള്ള വിറ്റു വരവ് മാത്രം 320 കോടി രൂപയാണ്.

കഴിഞ്ഞവര്‍ഷം ഓണക്കാലത്ത് ആഗസ്റ്റ് ഒന്നു മുതല്‍ സെപ്റ്റംബര്‍ 4 വരെ 35 ദിവസത്തെ വിറ്റുവരവ് 385 കോടി രൂപയായിരുന്നു. ഈ വര്‍ഷം ഓണം ഫെയറുകളിലും സപ്ലൈകോ വില്പനശാലകളിലും തിരക്ക് വര്‍ധിച്ചതോടെ 391 കോടി രൂപയുടെ വിറ്റുവരവ് 33 ദിവസത്തിനിടെ നേടാന്‍ സപ്ലൈകോയ്ക്ക് കഴിഞ്ഞു.

തിരുവനന്തപുരം, കോഴിക്കോട്, എറണാകുളം ജില്ലകളിലെ മെഗാ ട്രേഡ് ഫെയറുകളടക്കം ജില്ലാ ഫെയറുകളില്‍ നിന്നുള്ള വിറ്റുവരവ് നാലു കോടി 65 ലക്ഷം രൂപയാണ്. തിരുവനന്തപുരം മെഗാ ട്രേഡ് ഫെയറില്‍ നിന്നുള്ള വിറ്റു വരവ് മാത്രം 81 ലക്ഷം രൂപയാണ്. സപ്ലൈകോ വില്പനശാലകളും ഫെയറുകളും (ഉത്രാട ദിനം -ഓഗസ്റ്റ് 25) തുറന്നു പ്രവര്‍ത്തിക്കും

Content Highlights: Supplyco recorded a remarkable turnover of Rs 391.75 crore in 33 days during the Onam season. Sales since August 1 alone reached Rs 320 crore, outperforming last year’s figures. District mega trade fairs in Thiruvananthapuram, Ernakulam, and Kozhikode contributed Rs 4.65 crore to total sales.