Ongoing News
ടി 20യില്‍ സൂര്യജ്വലനം തുടരുന്നു; ഒന്നാം സ്ഥാനം നിലനിര്‍ത്തി
രണ്ടാം സ്ഥാനത്തുള്ള പാക് ക്രിക്കറ്റര്‍ മുഹമ്മദ് റിസ്വാനെക്കാള്‍ 70 പോയിന്റിന്റെ വന്‍ വ്യത്യാസത്തിലാണ് സൂര്യ പ്രഥമ സ്ഥാനത്തു തുടരുന്നത്.
ദുബൈ | ഐ സി സി ടി 20 റാങ്കിങില്‍ ഒന്നാം സ്ഥാനം നിലനിര്‍ത്തി ഇന്ത്യന്‍ സൂപ്പര്‍ ബാറ്റര്‍ സൂര്യകുമാര്‍ യാദവ്. രണ്ടാം സ്ഥാനത്തുള്ള പാക് ക്രിക്കറ്റര്‍ മുഹമ്മദ് റിസ്വാനെക്കാള്‍ 70 പോയിന്റിന്റെ വന്‍ വ്യത്യാസത്തിലാണ് സൂര്യ പ്രഥമ സ്ഥാനത്തു തുടരുന്നത്. സൂര്യകുമാര്‍ യാദവിന് 906ഉം രിസ്വാന് 836ഉം പോയിന്റാണുള്ളത്.
ഇന്ത്യന്‍ ഓപ്പണിങ് ബാറ്റര്‍ ശുഭ്മാന്‍ ഗില്ലും പോയിന്റ് നിലയില്‍ വലിയ മുന്നേറ്റം നടത്തി. 168 പേരെ മറികടന്ന് ഗില്‍ 30ാം റാങ്കിലേക്ക് കുതിച്ചെത്തി. ന്യൂസിലന്‍ഡിനെതിരായ ടി20 പരമ്പരയിലെ അവസാന മത്സരത്തില്‍ നേടിയ സെഞ്ച്വറിയാണ് ഗില്ലിന് തുണയായത്. ഏകദിന റാങ്കിങില്‍ ഗില്ലിന് ആറാം സ്ഥാനമുണ്ട്.
എന്നാല്‍, ബോളിങ് റാങ്കിങിലെ ആദ്യ പത്തില്‍ ഒരു ഇന്ത്യന്‍ താരത്തിനു പോലും ഇടം നേടാനായില്ല. അര്‍ഷദീപ് സിങാണ് ഇന്ത്യന്‍ പന്തേറുകാരില്‍ മുമ്പില്‍ നില്‍ക്കുന്നത്. 13ാം സ്ഥാനമാണ് അര്‍ഷദീപിനുള്ളത്. റാഷിദ് ഖാനാണ് ഒന്നാമത്. ഓള്‍ റൗണ്ടര്‍മാരില്‍ ഹാര്‍ദിക് പാണ്ഡ്യ രണ്ടാമതെത്തി. മൂന്നാം സ്ഥാനത്തു നിന്നാണ് പാണ്ഡ്യ രണ്ടാം സ്ഥാനത്തേക്ക് കയറിയത്. ബംഗ്ലാദേശ് താരം ശാകിബ് അല്‍ ഹസനാണ് ഓള്‍ റൗണ്ടര്‍മാരില്‍ ഒന്നാമതുള്ളത്.
Latest
ഡ്രോണ്‍ ആക്രമണത്തില്‍ ഫിറോസ്പുരില്‍ മൂന്ന് പേര്‍ക്ക് പരുക്ക്
എസ് എസ് എഫ് കേരള കണക്ട് ഗ്രാമ യാത്രക്ക് ബാക്രബൈല്‍ സെക്ടറില്‍ തുടക്കമായി
എസ് എസ് എല്‍ സി; മികവ് പുലര്‍ത്തി മര്‍കസ് സ്‌കൂളുകള്‍
വഖഫ്: മതം രാഷ്ട്രീയം ജനാധിപത്യ സംരക്ഷണ സമ്മേളനം 11 നു മലപ്പുറത്ത്
സംസ്ഥാന തല ഹജ്ജ് ക്യാമ്പ് ഉദ്ഘാടനവും ഹജ്ജ് ഹൗസ് ശിലാസ്ഥാപനവും മുഖ്യമന്ത്രി നിര്‍വഹിച്ചു
ജയ്സാല്‍മറില്‍ വൈകിട്ട് ആറ് മുതല്‍ 12 മണിക്കൂര്‍ ബ്ലാക്ക് ഔട്ട്; ഈ സമയം വാഹനയാത്ര ഉള്‍പ്പെടെ പാടില്ല
