ആറ് ട്രെയിനുകള്‍ വൈകി ഓടുന്നു; എറണാകുളം പാലക്കാട് മെമു റദ്ദാക്കി

കൊച്ചി |  പെരിയാറിനു കുറുകെയുള്ള റെയില്‍വേ മേല്‍പ്പാലത്തില്‍ അറ്റകുറ്റപ്പണി നടക്കുന്നതിനാല്‍ അടുത്ത ഞായറാഴ്ച വരെ ട്രെയിന്‍ സര്‍വീസുകളില്‍ പുനഃക്രമീകരണം.ആറ് ട്രെയിനുകള്‍ വൈകിയോടും. ഗോരഖ്പുര്‍- തിരുവനന്തപുരം, കണ്ണൂര്‍- ആലപ്പുഴ എക്സിക്യൂട്ടീവ്, മംഗളൂരു- തിരുവനന്തപുരം വന്ദേഭാരത്, സെക്കന്തരാബാദ്- തിരുവനന്തപുരം ശബരി എക്സ്പ്രസ്, ജാംനഗര്‍- തിരുനെല്‍വേലി, തിരുവനന്തപുരം- മംഗളൂരു വന്ദേഭാരത് ട്രെയിനുകളാണ് വൈകിയോടുന്നത്.

എറണാകുളം- പാലക്കാട്, പാലക്കാട്- എറണാകുളം മെമു സര്‍വീസുകള്‍ ഇന്നും റദ്ദാക്കിയിട്ടുണ്ട്. ബുധന്‍, ശനി, ഞായര്‍ ദിവസങ്ങളിലും മെമു സര്‍വീസ് റദ്ദാക്കിയിട്ടുണ്ട്.വരും ദിവസങ്ങളിലും ചില ട്രെയിനുകള്‍ വൈകി ഓടുമെന്നു റെയില്‍വേ വ്യക്തമാക്കി. അറ്റകുറ്റപ്പണികള്‍ ഞായറാഴ്ച വരെ തുടരും.